BWF World Championships: ಸೆಮಿಫೈನಲ್ ತಲುಪಿ ಪದಕ ಖಚಿತ ಪಡಿಸಿಕೊಂಡ ಭಾರತದ ಪ್ರಣಯ್

ಕೋಪನ್ ಹೇಗನ್ (ಡೆನ್ಮಾರ್ಕ್): ಭಾರತದ ಅಗ್ರ ಶ್ರೇಯಾಂಕಿತ ಪುರುಷರ ಬ್ಯಾಡ್ಮಿಂಟನ್ ಆಟಗಾರ ಎಚ್.ಎಸ್ ಪ್ರಣಯ್ ಅವರು ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್ ಶಿಪ್ ಸೆಮಿಫೈನಲ್ ಪ್ರವೇಶಿಸಿದ್ದಾರೆ. ಕೋಪನ್ ಹೇಗನ್ ನಲ್ಲಿ ನಡೆಯುತ್ತಿರುವ ಕೂಟದ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಸ್ಥಳೀಯ ಆಟಗಾರ ಮತ್ತು ಹಾಲಿ ಚಾಂಪಿಯನ್ ವಿಕ್ಟರ್ ಆಕ್ಸೆಲ್ಸೆನ್ ಅವರನ್ನು ಸೋಲಿಸಿದರು. ಇದರೊಂದಿಗೆ ಅವರಿಗೆ ಪದಕ ಖಚಿತವಾಗಿದೆ.

13-21, 21-15, 21-16 ಅಂತರದಲ್ಲಿ ಪ್ರಣಯ್ ಗೆಲುವು ಕಂಡರು. ಈ ಗೆಲುವಿನಿಂದ ಪ್ರಣಯ್ ವಿಶ್ವ ಚಾಂಪಿಯನ್‌ ಶಿಪ್‌ ನಲ್ಲಿ ಪದಕ ಗೆದ್ದ ಐದನೇ ಭಾರತೀಯ ಪುರುಷರ ಸಿಂಗಲ್ಸ್ ಆಟಗಾರನಾಗಿದ್ದಾರೆ. 2011ರ ಪ್ರತಿಷ್ಠಿತ ಈವೆಂಟ್‌ನಲ್ಲಿ ಭಾರತೀಯ ಆಟಗಾರನೋರ್ವ ಮೊದಲ ಬಾರಿಗೆ ಪದಕ ಗೆಲ್ಲುತ್ತಿದ್ದಾರೆ.

ಆದರೆ ಮತ್ತೊಂದೆಡೆ ಭಾರತದ ತಾರಾ ಜೋಡಿ ಚಿರಾಗ್‌ ಶೆಟ್ಟಿ-ಸಾತ್ವಿಕ್‌ ಸಾಯಿರಾಜ್‌ ರಾಂಕಿರೆಡ್ಡಿ ಕ್ವಾರ್ಟರ್‌ ಫೈನಲ್‌ ನಲ್ಲಿ ಸೋಲನುಭವಿಸಿ ಪದಕ ವಂಚಿತರಾಗಿದ್ದಾರೆ. ವಿಶ್ವದ ನಂ.2 ಖ್ಯಾತಿಯ ಭಾರತದ ಜೋಡಿ ಆತಿಥೇಯ ದೇಶದ ಕಿಮ್‌ ಆ್ಯಸ್ಟ್ರಪ್‌ -ಆ್ಯಂಡರ್ ಸ್ಕಾರುಪ್‌ ರಾಸ್ಮುಸೆನ್‌ ವಿರುದ್ಧ 18-21, 19-21ರಿಂದ ಪರಾಭವಗೊಂಡಿತು.