ಸಾಗರದಲ್ಲಿ ಬಸ್, ಕಾರು ಭೀಕರ ಅಪಘಾತ; ಮಹಿಳೆಯರು ಸೇರಿ ಐವರು ಬಲಿ

ಶಿವಮೊಗ್ಗ:ಖಾಸಗಿ ಬಸ್ ಹಾಗೂ ಕಾರು ನಡುವೆ ಸಂಭವಿಸಿದ ಭೀಕರ ಅಪಘಾತದಲ್ಲಿ ಐವರು ಸಾವನ್ನಪ್ಪಿರುವ ಘಟನೆ ಬುಧವಾರ ಸಂಜೆ ಸಾಗರ ಸಮೀಪದ ಬಳಸಗೋಡು ಎಂಬಲ್ಲಿ ನಡೆದಿದೆ.

ಸೊರಬದ ಮಂಚಾಲೆ ಗ್ರಾಮದ ಬಳಿ ಈ ದುರ್ಘಟನೆ ಸಂಭವಿಸಿದ್ದು, ಕಾರಿನಲ್ಲಿದ್ದ 3 ಪುರುಷರು, ಇಬ್ಬರು ಮಹಿಳೆಯರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.

ಮೃತಪಟ್ಟವರು ಸೊರಬ ತಾಲೂಕಿನ ನಡಹಳ್ಳಿ ಗ್ರಾಮದವರು ಎಂದು ಗುರುತಿಸಲಾಗಿದೆ. ಅಪಘಾತದಲ್ಲಿ ದೇಹಗಳು ನಜ್ಜುಗುಜ್ಜಾಗಿರುವುದಾಗಿ ಪ್ರತ್ಯಕ್ಷದರ್ಶಿಗಳು ಮಾಧ್ಯಮಗಳಿಗೆ ತಿಳಿಸಿದ್ದಾರೆ.