ಥಾಣೆ : ಮಹಿಳೆಯ ಅರೆ ಸುಟ್ಟ ಶವ ಪತ್ತೆ; ಕೊಲೆ ಕೇಸು ದಾಖಲು

ಥಾಣೆ, ಮಹಾರಾಷ್ಟ್ರ : ಅಪರಿಚಿತ ಮಹಿಳೆಯೋರ್ವಳ ಅರೆ ಸುಟ್ಟ ಶವ ಭಿವಂಡಿ ತಾಲೂಕಿನ ಪಿಂಪ್ಲಾಸ್‌ ಎಂಬ ಗ್ರಾಮದ ಹೊಲವೊಂದರಲ್ಲಿ  ಪತ್ತೆಯಾಗಿದೆ. ಗ್ರಾಮಸ್ಥರು ಶವವನ್ನು ಕಂಡು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. 

ಶವ ಕಂಡು ಬಂದ ಸ್ಥಳದಲ್ಲಿ ಬಿದ್ದಿದ್ದ ಮಹಿಳೆಯ ಅರೆಸುಟ್ಟ  ಹೇರ್‌ ಕ್ಲಿಪ್‌, ಚಪ್ಪಲಿ ಮತ್ತು ರಿಂಗ್‌ ಇತ್ಯಾದಿಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ಇದು ಕೊಲೆಯೋ ಅಥವಾ ಅತ್ಯಾಚಾರ ನಡೆಸಿ ಮಾಡಲಾಗಿರುವ ಹತ್ಯೆಯೋ ಎಂಬುದು ಇನ್ನಷ್ಟೇ ತನಿಖೆಯಿಂದ ಗೊತ್ತಾಗಬೇಕಿದೆ. 

ಪೊಲೀಸರು ಐಪಿಸಿ ಸೆ.302ರ ಪ್ರಕಾರ ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.