Advertisement
ಸರಣಿಯಲ್ಲಿ ಈವರೆಗೆ ಆವೇಶ್‌ ಖಾನ್‌, ಜಿತೇಶ್‌ ಶರ್ಮ, ಶಾಬಾಜ್‌ ಅಹ್ಮದ್‌ ಮತ್ತು ಮುಕೇಶ್‌ ಶರ್ಮ ಆಡುವ ಅವಕಾಶ ಪಡೆದಿಲ್ಲ. ಉಸ್ತುವಾರಿ ಕೋಚ್‌ ಸಿತಾಂಶು ಕೋಠಕ್‌ ಕೂಡ ಮೀಸಲು ಆಟಗಾರರನ್ನು ಆಡಿಸುವ ಕುರಿತು ಯೋಚಿಸುತ್ತಿದ್ದಾರೆ. ಇವರಲ್ಲಿ ಆವೇಶ್‌ ಖಾನ್‌ ಕಳೆದ ವೆಸ್ಟ್‌ ಇಂಡೀಸ್‌ ಪ್ರವಾಸದ ವೇಳೆಯೂ ತಂಡದಲ್ಲಿದ್ದರು. ಆದರೆ ಇವರನ್ನು ಏಳೂ ಪಂದ್ಯಗಳಿಂದ ಹೊರಗಿಡಲಾಗಿತ್ತು. ಒಂದು ವೇಳೆ ಇಲ್ಲಿಯೂ ಅವರನ್ನು ಹೊರಗಿರಿಸಿದರೆ ಒಂದೂ ಪಂದ್ಯವಾಡದೆ ಏಷ್ಯನ್‌ ಗೇಮ್ಸ್‌ಗೆ ತೆರಳಬೇಕಾಗುತ್ತದೆ.ಮುಕೇಶ್‌ ಕುಮಾರ್‌ ಈ ಸರಣಿ ಯಲ್ಲಿ ಆಡದೇ ಹೋದರೂ ವೆಸ್ಟ್‌ ಇಂಡೀಸ್‌ ವಿರುದ್ಧ ಸಾಕಷ್ಟು ಅವಕಾಶ ಪಡೆದಿದ್ದಾರೆ. ಹೀಗಾಗಿ ಇವರನ್ನು ಮತ್ತೆ ಹೊರಗಿರಿಸಿದರೆ ಆಕ್ಷೇಪ ಎದುರಾಗಲಿಕ್ಕಿಲ್ಲ.
ಎಡಗೈ ಬ್ಯಾಟರ್‌ ತಿಲಕ್‌ ವರ್ಮ ಕೆರಿಬಿಯನ್‌ ದ್ವೀಪದಲ್ಲಿ ಕ್ಲಿಕ್‌ ಆದರೂ ಐರ್ಲೆಂಡ್‌ಗೆ ಬಂದೊಡನೆ ರನ್‌ ಬರಗಾಲ ಅನುಭವಿಸಿದ್ದಾರೆ. ಹೀಗಾಗಿ ಇವರ ಬ್ಯಾಟಿಗೆ ಮಾತಾಡಲು ಮತ್ತೂಂದು ಅವಕಾಶ ಸಿಗುವುದರಲ್ಲಿ ಅನುಮಾನವಿಲ್ಲ. ಪ್ರಸಕ್ತ ಸರಣಿಯಲ್ಲಿ ಅಂತಾ ರಾಷ್ಟ್ರೀಯ ಕ್ರಿಕೆಟಿಗೆ ಪದಾರ್ಪಣೆಗೈದ ಐಪಿಎಲ್‌ “ಸಿಕ್ಸರ್‌ ಹೀರೋ’ ರಿಂಕು ಸಿಂಗ್‌ ದ್ವಿತೀಯ ಪಂದ್ಯದಲ್ಲಿ ಮೊದಲ ಸಲ ಕ್ರೀಸ್‌ ಇಳಿದು 21 ಎಸೆತಗಳಿಂದ 38 ರನ್‌ ಸಿಡಿಸಿದ್ದನ್ನು ಮರೆಯುವಂತಿಲ್ಲ. 2 ಬೌಂಡರಿ, 3 ಸಿಕ್ಸರ್‌ ಬಾರಿಸಿ ಜೋಶ್‌ ತೋರಿದ್ದರು.
ಕಳೆದ ಕೆಲವೇ ದಿನಗಳ ಅವಧಿ ಯಲ್ಲಿ ಅವಳಿ ಟಿ20 ತಂಡಗಳನ್ನು ಅಂತಾರಾಷ್ಟ್ರೀಯ ಕದನಕ್ಕೆ ಇಳಿಸಿದ ಭಾರತದಲ್ಲೀಗ ಪ್ರತಿಭೆಗಳ ಮಹಾ ಪೂರವೇ ಇದೆ. ಎಲ್ಲರೂ ಅವಕಾಶವನ್ನು ಬಾಚಿಕೊಂಡರೆ ಮುಂದಿನ ವರ್ಷದ ಟಿ20 ವಿಶ್ವಕಪ್ ಪಂದ್ಯಾವಳಿಗೆ ತಂಡದ ಆಯ್ಕೆ ಜಟಿಲಗೊಳ್ಳಲಿದೆ ಎಂಬ ಸ್ಥಿತಿಯೂ ನಿರ್ಮಾಣವಾಗಬಹುದು.
Related Articles
ಆತಿಥೇಯ ಐರ್ಲೆಂಡ್‌ಗೆ ಇದೊಂದು ಪ್ರತಿಷ್ಠೆಯ ಪಂದ್ಯ. ಐರಿಷ್‌ ಪಡೆ ಭಾರತದ ವಿರುದ್ಧ ಗೆಲುವಿನ ಖಾತೆ ತೆರೆಯಲು ಪರದಾಡುತ್ತಿದೆ. ಆಡಿದ ಏಳೂ ಪಂದ್ಯಗಳಲ್ಲಿ ಸೋತಿದೆ. ಬುಧವಾರ ಗೆದ್ದರೆ ಇತಿಹಾಸ ನಿರ್ಮಾಣಗೊಳ್ಳುವುದು ಖಚಿತ. ಇದಕ್ಕಾಗಿ ಪಾಲ್‌ ಸ್ಟರ್ಲಿಂಗ್‌ ಪಡೆ ಗರಿಷ್ಠ ಪ್ರಯತ್ನ ಮಾಡುವುದರಲ್ಲಿ ಅನುಮಾನವಿಲ್ಲ.
Advertisement
ವನಿತೆಯರಿಗೆ ಗೆಲುವುವನಿತೆಯರ ಹಾಕಿ ಪಂದ್ಯಾವಳಿಯಲ್ಲಿ ಭಾರತ ತಂಡ ಸ್ಪೇನ್‌ ವಿರುದ್ಧ 2-1 ಗೋಲುಗಳ ಜಯ ಸಾಧಿಸಿತು. ಅನ್ನು (21ನೇ ನಿಮಿಷ) ಮತ್ತು ಸಾಕ್ಷಿ ರಾಣಾ (47ನೇ ನಿಮಿಷ) ಗೋಲು ಹೊಡೆದರು.