ಚುನಾವಣೆ ನಂತರ ಬಿಎಸ್‌ವೈ ರಾಜೀನಾಮೆ: ರಾಜಾವತ್‌

ಶಿವಮೊಗ್ಗ: ಕಳೆದ ವಿಧಾನಸಭೆ ಚುನಾವಣೆ ವೇಳೆ ಹೆಲಿಕಾಪ್ಟರ್‌
ಮೂಲಕ ಶಿಕಾರಿಪುರಕ್ಕೆ ಬಂದಿಳಿದು ಎಲ್ಲರೂ ಹುಬ್ಬೇರುವಂತೆ ಮಾಡಿ
ಮಾಜಿ ಮುಖ್ಯಮಂತ್ರಿ ಬಿ.ಎಸ್‌. ಯಡಿಯೂರಪ್ಪನವರ ವಿರುದ್ಧ
ಶಿಕಾರಿಪುರದಲ್ಲಿ ಸ್ಪರ್ಧಿಸಿ ಸುದ್ದಿಯಾಗಿದ್ದ ವಿದ್ಯಾರ್ಥಿ ಸಂಘಟನೆ
ರಾಜ್ಯಾಧ್ಯಕ್ಷ ವಿನಯ್‌ ರಾಜಾವತ್‌ ಈಗ ಹೊಸ ಬಾಂಬ್‌ ಸಿಡಿಸಿದ್ದಾರೆ.

ಲೋಕಸಭೆ ಚುನಾವಣೆ ಮುಗಿದ ಕೂಡಲೇ ಬಿ.ಎಸ್‌. ಯಡಿಯೂರಪ್ಪ
ಶಾಸಕ ಸ್ಥಾನಕ್ಕೆ ರಾಜೀನಾಮೆ ನೀಡಲಿದ್ದಾರೆ, ರಾಜೀನಾಮೆ ನೀಡೋದು
ಅವರಿಗೆ ಅನಿವಾರ್ಯವಾಗಲಿದೆ ಎಂದು ಭವಿಷ್ಯ ನುಡಿದಿದ್ದಾರೆ.

ಶನಿವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ಯಡಿಯೂರಪ್ಪ ಅವರನ್ನು
ಮನೆಗೆ ಕಳುಹಿಸುವಂತಹ ಅನೇಕ ದಾಖಲೆಗಳು ತಮ್ಮಲ್ಲಿದ್ದು, ಚುನಾವಣೆ
ಪ್ರಕ್ರಿಯೆ ಮುಗಿದ ಮಾರನೇ ದಿನವೇ ಇದನ್ನು ಬಹಿರಂಗಗೊಳಿಸುವೆ ಎಂದರಲ್ಲದೆ, ಬಿ.ಎಸ್‌. ಯಡಿಯೂರಪ್ಪ ಮೇಲಾಣೆ ಶಿವಮೊಗ್ಗ ಲೋಕಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಬಿ.ವೈ. ರಾಘವೇಂದ್ರ
ಸೋಲು ಖಚಿತ ಎಂದರು.