ಪಾಕ್ ಗಡಿಯಲ್ಲಿ ಏರ್-ಡ್ರೋನ್ ಮೂಲಕ ಕಳ್ಳಸಾಗಣೆ ವಿಫಲಗೊಳಿಸಿದ ಬಿಎಸ್ಎಫ್

ಅಮೃತಸರ: ಪಾಕಿಸ್ಥಾನದಿಂದ ಏರ್-ಡ್ರೋನ್ ಮೂಲಕ ಕಳುಹಿಸಿಕೊಡಲಾದ ಹೆರಾಯಿನ್ ಎಂದು ಶಂಕಿಸಲಾದ ಮೂರು ಪ್ಯಾಕೆಟ್‌ಗಳನ್ನು ಮತ್ತು ಸ್ವಯಂಚಾಲಿತ ಪಿಸ್ತೂಲ್ ಅನ್ನು ಗಡಿ ಭದ್ರತಾ ಪಡೆ ಸಿಬಂದಿ ವಶಪಡಿಸಿಕೊಂಡಿದ್ದಾರೆ ಎಂದು ಅಧಿಕಾರಿಗಳು ಸೋಮವಾರ ತಿಳಿಸಿದ್ದಾರೆ.

ಸೆಪ್ಟೆಂಬರ್ 18 ರ ರಾತ್ರಿ, ಗಡಿಯಲ್ಲಿ ನಿಯೋಜಿಸಲಾದ ಬಿಎಸ್ಎಫ್ ಪಡೆಗಳು ಪಾಕಿಸ್ಥಾನದಿಂದ ಭಾರತದ ಕಡೆಗೆ ಬಂದು ನಂತರ ಹಿಂತಿರುಗುವ ಶಂಕಿತ ಹಾರುವ ವಸ್ತುವಿನ ಝೇಂಕರಿಸುವ ಶಬ್ದ, ಅಮೃತಸರ ಜಿಲ್ಲೆಯ ಧನೋಯ್ ಕಲಾನ್ ಗ್ರಾಮದ ಬಳಿಯ ಜಮೀನಿನಲ್ಲಿ ಏನನ್ನೋ ಬೀಳಿಸಿದ ಶಬ್ದವನ್ನು ಕೇಳಿದರು, ಅವರು ಹಾರುವ ವಸ್ತುವಿನತ್ತ ಗುಂಡು ಹಾರಿಸಿದರು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಇದನ್ನೂ ಓದಿ: ರಾಜ್ಯಪಾಲ ಆರಿಫ್ ಮೊಹಮ್ಮದ್ ಖಾನ್ ವಿರುದ್ಧ ಪಿಣರಾಯಿ ವಿಜಯನ್ ಆಕ್ರೋಶ

ನಂತರ, ಶೋಧ ಕಾರ್ಯಾಚರಣೆಯ ಸಮಯದಲ್ಲಿ, ಪಡೆಗಳು ಸುಮಾರು 2.5 ಕೆಜಿ ತೂಕದ ಮೂರು ಪ್ಯಾಕೆಟ್‌ಗಳು, ಜತೆಗೆ ಒಂದು ಪಿಸ್ತೂಲ್, ಒಂದು ಮ್ಯಾಗಜೀನ್ ಸುತ್ತುಗಳನ್ನು ಮೈದಾನದಲ್ಲಿ ಕಂಡುಕೊಂಡರು ಎಂದು ಅಧಿಕಾರಿಗಳು ಹೇಳಿದ್ದಾರೆ.