ಆರಂಭಿಕ ಜಿಗಿತದ ಬಳಿಕ ಕುಸಿತ: ಮುಂಬಯಿ ಶೇರು 24 ಅಂಕ ನಷ್ಟ

ಮುಂಬಯಿ : ಮುಂಬಯಿ ಶೇರು ಪೇಟೆ ಇಂದು ಮಂಗಳವಾರದ ಆರಂಭಿಕ ವಹಿವಾಟಿನಲ್ಲಿ 100 ಅಂಕಗಳ ಜಿಗಿತವನ್ನು ಸಾಧಿಸಿತಾದರೂ ಆ ಬಳಿಕ ಕೆಲ ಹೊತ್ತಿನಲ್ಲೇ ಅದು ತನ್ನ ಆರಂಭಿಕ ಗಳಿಕೆಯನ್ನು ಬಿಟ್ಟುಕೊಟ್ಟು ಕೆಂಬಣ್ಣಕ್ಕೆ ತಿರುಗಿತು.

ಬೆಳಗ್ಗೆ 10.30ರ ಹೊತ್ತಿಗೆ ಸೆನ್ಸೆಕ್ಸ್‌ 24.42 ಅಂಕಗಳ ನಷ್ಟದೊಂದಿಗೆ 33,788.33 ಅಂಕಗಳ ಮಟ್ಟದಲ್ಲೂ  ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ 7 ಅಂಕಗಳ ನಷ್ಟದೊಂದಿಗೆ 10,428.50 ಅಂಕಗಳ ಮಟ್ಟದಲ್ಲೂ ವ್ಯವಹಾರ ನಿರತವಾಗಿದ್ದವು.

ಎಸ್‌ಬಿಐ, ಎಕ್ಸಿಸ್‌ ಬ್ಯಾಂಕ್‌, ಮಾರುತಿ ಸುಜುಕಿ, ರಿಲಯನ್ಸ್‌, ಟಾಟಾ ಮೋಟರ್‌ ಶೇರುಗಳು ಅತ್ಯಂತ ಕ್ರಿಯಾಶೀಲವಾಗಿದ್ದವು.

ಭಾರ್ತಿ ಇನ್‌ಫ್ರಾಟೆಲ್‌, ಒಎನ್‌ಜಿಸಿ, ಎಚ್‌ ಡಿ ಎಫ್ ಸಿ ಮ್ಯಾಂಕ್‌, ಎನ್‌ ಟಿ ಪಿ ಸಿ, ಟೆಕ್‌ ಮಹೀಂದ್ರ ಶೇರುಗಳು ಟಾಪ್‌ ಗೇನರ್‌ ಎನಿಸಿಕೊಂಡವು. 

ಈಶರ್‌ ಮೋಟರ್‌, ಐಡಿಯಾ ಸೆಲ್ಯುಲರ್‌, ಎಚ್‌ಪಿಸಿಎಲ್‌, ಎಸ್‌ ಬ್ಯಾಂಕ್‌, ಬಿಪಿಸಿಎಲ್‌ ಶೇರುಗಳು ಟಾಪ್‌ ಲೂಸರ್‌ ಎನಿಸಿಕೊಂಡವು.

ಮುಂಬಯಿ ಶೇರು ಪೇಟೆಯಲ್ಲಿ ಇಂದಿನ ಬೆಳಗ್ಗಿನ ವಹಿವಾಟಿನಲ್ಲಿ 2,453 ಶೇರುಗಳು ವಹಿವಾಟಿಗೆ ಒಳಪಟ್ಟವು;ವ 701 ಶೇರುಗಳು ಮುನ್ನಡೆ ಸಾಧಿಸಿದವು; 1,669 ಶೇರಗಳು ಹಿನ್ನಡೆಗೆ ಗುರಿಯಾದವು; 83 ಶೇರುಗಳು ಯಾವುದೇ ಬದಲಾವಣೆ ಕಾಣಲಿಲ್ಲ.

ಕಳೆದ ಐದು ತಿಂಗಳಿಂದ ಮೇಲ್ಮಟ್ಟದಲ್ಲಿದ್ದ ರೂಪಾಯಿ ಇಂದು ಡಾಲರ್‌ ಎದುರು 4 ಪೈಸೆ ಕುಸಿತ ಕಂಡು 63.72 ರೂ. ವಿನಿಮಯ ದರದಲ್ಲಿ ಸ್ಥಿತವಾಯಿತು.