ತೀವ್ರ ಏರಿಳಿತದಲ್ಲೂ ಮುಂಬಯಿ ಶೇರು 30 ಅಂಕ ಮುನ್ನಡೆ

ಮುಂಬಯಿ : ಉತ್ತರ ಕೊರಿಯ ಉದ್ವಿಗ್ನತೆ ವಿಶ್ವಾದ್ಯಂತದ ಶೇರು ಮಾರುಕಟ್ಟೆಗಳ ಮೇಲೆ ಕರಿ ನೆರಳನ್ನು ಚಾಚುತ್ತಿರುವ ಹೊರತಾಗಿಯೂ ಮುಂಬಯಿ ಶೇರು ಮಾರುಕಟ್ಟೆಯ ಸೆನ್ಸೆಕ್ಸ್‌ ಸೂಚ್ಯಂಕ ಇಂದು ಶುಕ್ರವಾರದ ವಹಿವಾಟನ್ನು 30.68 ಅಂಕಗಳ ಮುನ್ನಡೆಯೊಂದಿಗೆ 32,272.61 ಅಂಕಗಳ ಮಟ್ಟದಲ್ಲಿ ಕೊನೆಗೊಳಿಸಿತು.

ಆದರೆ ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ 1.20 ಅಂಕಗಳ ನಷ್ಟಕ್ಕೆ ಗುರಿಯಾಗಿ ದಿನದ ವಹಿವಾಟನ್ನು 10,085.40 ಅಂಕಗಳ ಮಟ್ಟದಲ್ಲಿ ಕೊನೆಗೊಳಿಸಿತು.

ಇಂದಿನ ತೀವ್ರ ಓಲಾಟದ ವಹಿವಾಟಿನಲ್ಲಿ 1,099 ಶೇರುಗಳು ಮುನ್ನಡೆ ಕಂಡರೆ, 1,446 ಶೇರುಗಳು ಹಿನ್ನಡೆಗೆ ಗುರಿಯಾದವು; 154 ಶೇರುಗಳು ಯಾವುದೇ ಬದಲಾವಣೆಯನ್ನು ಕಾಣಲಿಲ್ಲ.

ಇಂದಿನ ಟಾಪ್‌ ಗೇನರ್‌ಗಳು : ಒಎನ್‌ಜಿಸಿ, ಬಜಾಜ್‌ ಆಟೋ, ಕೋಲ್‌ ಇಂಡಿಯಾ, ಇನ್‌ಫೋಸಿಸ್‌, ಭಾರ್ತಿ ಇನ್‌ಫ್ರಾಟೆಲ್‌.

ಟಾಪ್‌ ಲೂಸರ್‌ಗಳು : ಐಡಿಯಾ ಸೆಲ್ಯುಲರ್‌, ಡಾ. ರೆಡ್ಡಿ ಲ್ಯಾಬ್‌, ಇಂಡಸ್‌ ಇಂಡ್‌ ಬ್ಯಾಂಕ್‌, ಎಸಿಸಿ ಮತ್ತು ಟಾಟಾ ಪವರ್‌.