ಬಂಡವಾಳ ಬಯಲಾಗುತ್ತಂತೆ; ಅದೇನ್ ಸೀಡಿ, ಬಿಡುಗಡೆ ಮಾಡಿ ನೋಡೇ ಬಿಡೋಣ! 

ಬೆಂಗಳೂರು: ಸದಸ್ಯರೆ ಇಲ್ನೋಡಿ…ಎಲ್ಲರೂ ಇಲ್ನೋಡಿ. ಈ ಸೀಡಿ ಬಿಡುಗಡೆ ಮಾಡಿದ್ರೆ ಬಿಜೆಪಿ ಬಂಡವಾಳ ಬಯಲಾಗುತ್ತೆ. ಹೌದಾ ಅದೇನ್ ಸೀಡಿ ಬಿಡುಗಡೆ ಮಾಡಿ ನೋಡೇ ಬಿಡೋಣ…ಇದು ಮಂಗಳವಾರ ಬಿಬಿಎಂಪಿಯಲ್ಲಿ ಕಾಂಗ್ರೆಸ್ ಸದಸ್ಯರೊಬ್ಬರು ಪ್ರದರ್ಶಿಸಿದ ಸೀಡಿಗೆ ಬಿಜೆಪಿ ತಿರುಗೇಟು ನೀಡಿರುವ ಪ್ರಸಂಗ ನಡೆಯಿತು.

ಕಾಂಗ್ರೆಸ್ ಪಕ್ಷದ ಜಿಕೆ ವೆಂಕಟೇಶ್ ಅವರು ಬಿಬಿಎಂಪಿ ಸಾಮಾನ್ಯ ಸಭೆ ವೇಳೆ ಖಾಲಿ ಸೀಡಿ ಪ್ರದರ್ಶಿಸಿ ಆರ್ಭಟಿಸುತ್ತಿದ್ದರು. ಇದರಿಂದ ಆಕ್ರೋಶಿತರಾದ ಬಿಜೆಪಿ ಸದಸ್ಯರು ಅದೇನ್ ಸೀಡಿ ಬಿಡುಗಡೆ ಮಾಡುತ್ತೀರೋ ಮಾಡಿ, ನೋಡೇ ಬಿಡೋಣ ಎಂದು ಸವಾಲು ಹಾಕಿದರು.

ಸೀಡಿ ಬಿಡುಗಡೆ ಮಾಡುವಂತೆ ಆಗ್ರಹಿಸಿ ಬಿಜೆಪಿ ಸದಸ್ಯರು ಸದನದ ಬಾವಿಗಿಳಿದು ಪ್ರತಿಭಟನೆ ನಡೆಸಿದರು. ಅಲ್ಲದೇ ಒಂದು ವೇಳೆ ಸೀಡಿಯಲ್ಲಿ ಏನೂ ಇಲ್ಲದಿದ್ದರೆ ಜಿಕೆ ವೆಂಕಟೇಶ್ ಅವರನ್ನು ಅಮಾನತು ಮಾಡುವಂತೆ ಆಗ್ರಹಿಸಿದರು. ಇದರಿಂದಾಗಿ ಬಿಬಿಎಂಪಿ ಸಾಮಾನ್ಯ ಸಭೆಯಲ್ಲಿ ಕಾಂಗ್ರೆಸ್, ಬಿಜೆಪಿ ಸದಸ್ಯರ ನಡುವೆ ಗಲಾಟೆ ನಡೆಯಿತು.