ವಿಂಡೀಸಿನ ಬ್ರಾತ್‌ವೇಟ್‌ ಬೌಲಿಂಗ್‌ ಶೈಲಿ ಅಕ್ರಮ?

ದುಬಾೖ: ಇತ್ತೀಚೆಗೆ ಭಾರತ ವಿರುದ್ಧ ಕಿಂಗ್‌ಸ್ಟನ್‌ನಲ್ಲಿ ನಡೆದ 2ನೇ ಟೆಸ್ಟ್‌ ಪಂದ್ಯದಲ್ಲಿ ವೆಸ್ಟ್‌ ಇಂಡೀಸ್‌ ಕ್ರಿಕೆಟಿಗ ಕ್ರೆಗ್‌ ಬ್ರಾತ್‌ವೇಟ್‌ ಬೌಲಿಂಗ್‌ ಶೈಲಿ ಅಕ್ರಮವಾಗಿರುವುದು ಗಮನಕ್ಕೆ ಬಂದಿದೆ ಎಂದು ಐಸಿಸಿ ತಿಳಿಸಿದೆ.

ವಿಂಡೀಸ್‌ ಟೆಸ್ಟ್‌ ತಂಡದ ತಜ್ಞ ಆರಂಭಿಕರಾಗಿರುವ ಬ್ರಾತ್‌ವೇಟ್‌ ಪಾರ್ಟ್‌ಟೈಮ್‌ ಸ್ಪಿನ್ನರ್‌ ಕೂಡ ಹೌದು. ಒಂದುವೇಳೆ ಅವರದು ಶಂಕಿತ ಬೌಲಿಂಗ್‌ ಎಂಬುದು ಸಾಬೀತಾದರೆ, ಇದು ಸರಿಯಾಗುವ ವರೆಗೆ ಬೌಲಿಂಗ್‌ ಮಾಡುವುದನ್ನು ನಿಲ್ಲಿಸಬೇಕಾಗುತ್ತದೆ.