Bramavara: ಇಬ್ಬರು ಮಕ್ಕಳೊಂದಿಗೆ ತಾಯಿ ನಾಪತ್ತೆ

ಬ್ರಹ್ಮಾವರ: ಸಾಲಿಕೇರಿಯಲ್ಲಿ ಪತಿಯೊಂದಿಗೆ ವಾಸವಿದ್ದ ಮಹಿಳೆ ತನ್ನ ಇಬ್ಬರು ಮಕ್ಕಳೊಂದಿಗೆ ಕಾಣೆಯಾಗಿದ್ದಾರೆ. ಗೀತಾ (29), ಸಿಂಚನಾ (7), ಸಂಜನಾ (5) ನಾಪತ್ತೆಯಾದವರು.

ಎ.20ರಂದು ಸಾಲಿಕೇರಿಯಿಂದ ಶಿವಮೊಗ್ಗದ ಅಕ್ಕನ ಮನೆಗೆ ತೆರಳಿದ್ದು, ಅಲ್ಲಿ ಮೂರು ದಿವಸ ಇದ್ದು ಬಳಿಕ ತಾಯಿ ಮನೆಯಾದ ಹಾವೇರಿಯ ತಂಡೂರಿಗೆ ಹೋಗಿದ್ದರು. ಮೇ 13ರಂದು ಬೆಳಗ್ಗೆ 6 ಗಂಟೆಗೆ ಗೀತಾ ಇಬ್ಬರು ಮಕ್ಕಳೊಂದಿಗೆ ಗಂಡನ ಮನೆಯಾದ ಸಾಲಿಕೇರಿಗೆ ಹೋಗುವುದಾಗಿ ಹೊರಟವರು ಕಾಣೆಯಾಗಿದ್ದಾರೆ.

ಈ ಕುರಿತು ಪತಿ ಸುರೇಶ್‌ ಭಟ್‌ ನೀಡಿದ ದೂರಿನಂತೆ ಬ್ರಹ್ಮಾವರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.