ಈ ಕಾಲೇಜಿನಲ್ಲಿ ಬಾಯ್‌ಫ್ರೆಂಡ್‌ ಹೊಂದಿರುವುದು ಕಡ್ಡಾಯ!!: ನೋಟೀಸ್‌

ಬೆಂಗಳೂರು: ನಗರದ ಆರ್‌ವಿ ಇಂಜಿನಿಯರಿಂಗ್‌ ಕಾಲೇಜಿನಲ್ಲಿ ಎಲ್ಲಾ ವಿದ್ಯಾರ್ಥಿನಿಯರು ಬಾಯ್‌ಫ್ರೆಂಡ್‌ಗಳನ್ನು ಹೊಂದುವುದು ಕಡ್ಡಾಯ..!!.ಅರೇ ಇದೇನಿದು ಎಂದು ಕೇಳಬೇಡಿ.ಕಿಡಿಗೇಡಿಗಳು ಕಾಲೇಜಿನ ನೋಟೀಸ್‌ ಬೋರ್ಡ್‌ನಲ್ಲಿ ಹಾಕಿರುವ ನಕಲಿ ನೋಟೀಸ್‌.

Spread Love ಎಂಬ ಹೆಸರಿನಲ್ಲಿ ನೋಟೀಸ್‌ನಲ್ಲಿ ಕಾಲೇಜಿನ ಎಲ್ಲಾ ವಿದ್ಯಾರ್ಥಿನಿಯರು ಫೆಬ್ರವರಿ 14 ರ ಒಳಗೆ ಬಾಯ್‌ಫ್ರೆಂಡ್‌ಗಳನ್ನು ಹೊಂದಿರಲೇ ಬೇಕು, ಇಲ್ಲವಾದರೆ ಕಾಲೇಜು ಪ್ರವೇಶಕ್ಕೆ ಅವಕಾಶವಿಲ್ಲ. ಪ್ರವೇಶ ಬೇಕಾದಲ್ಲಿ ಬಾಯ್‌ಫ್ರೆಂಡ್‌ ಜೊತೆಗಿರುವ ಫೋಟೋ ತೋರಿಸಲೇಬೇಕು ಎಂದು ಬರೆಯಲಾಗಿದೆ. ನೋಟೀಸ್‌ನಲ್ಲಿ ಪ್ರಾಂಶುಪಾಲರ ನಕಲಿ ಸಹಿಯನ್ನೂ ಹಾಕಲಾಗಿದೆ. 

ಕಾಲೇಜಿನ ಗಮನಕ್ಕೆ ನೋಟೀಸ್‌ ಬರುತ್ತಿದ್ದಂತೆ ಸೈಬರ್‌ ಕ್ರೈಂ ವಿಭಾಗಕ್ಕೆ ದೂರು ನೀಡಲು ಮುಂದಾಗಿದ್ದಾರೆ.