ವಿಜಯಪುರ: ನೀರು ಕುಡಿಯಲು ಹೋಗಿ ಕಾಲು ಜಾರಿ ಕೆರೆಗೆ ಬಿದ್ದ ಬಾಲಕ

ವಿಜಯಪುರ: ನೀರು ಕುಡಿಯಲು ಹೋಗಿದ್ದಾಗ ಕಾಲು ಜಾರಿ ಕೆರೆಗೆ ಬಿದ್ದು ಬಾಲಕನೊಬ್ಬ ಕಾಣೆಯಾದ ಘಟನೆ ವಿಜಯಪುರ ತಾಲೂಕ ಬರಟಗಿ ತಾಂಡಾದಲ್ಲಿ ಶನಿವಾರ ಜರುಗಿದೆ.

ಕೆರೆಯಲ್ಲಿ ಕಾಣೆಯಾದ ಬಾಲಕನಿಗಾಗಿ ಸ್ಥಳೀಯರು ಶೋಧ ನಡೆಸಿದ್ದಾರೆ.

ಬರಟಗಿ ತಾಂಡಾ 4 ರಲ್ಲಿ ಘಟನೆ ಜರುಗಿದ್ದು, ಕೆರೆ ನೀರಲ್ಲಿ ಕಾಲುಜಾರಿ ಬಿದ್ದ ಬಾಲಕನನ್ನು 5 ವರ್ಷದ ಯುವರಾಜ ರಾಠೋಡ ಎಂದು ಗುರುತಿಸಲಾಗಿದೆ.

ಅಗ್ನಿಶಾಮಕ ದಳದ ಸಿಬ್ಬಂದಿಗೆ ಮಾಹಿತಿ ನೀಡಿದರೂ ತುರ್ತಾಗಿ ಸ್ಥಳಕ್ಕೆ ಬಾರದ ಕುರಿತು ಆಕ್ರೋಶ ವ್ಯಕ್ತಪಡಿಸುತ್ತಿರುವ ಸ್ಥಳೀಯರು, ಸ್ವಯಂ ತಾವೇ ಬಾಲಕನಿಗಾಗಿ ಕೆರೆಯಲ್ಲಿ ಶೋಧ ಆರಂಭಿಸಿದ್ದಾರೆ.

ಗ್ರಾಮೀಣ ಠಾಣೆ ಪೊಲೀಸರು ಸ್ಥಳಕ್ಕೆ ತೆರಳಿದ್ದಾರೆ.