ಕಾಮನ್‌ವೆಲ್ತ್‌ ಗೇಮ್ಸ್‌: ಭಾರತದ 12 ಬಾಕ್ಸರ್‌ಗಳ ತಂಡ

ಹೊಸದಿಲ್ಲಿ: ಮುಂದಿನ ತಿಂಗಳ ಕಾಮನ್ವೆಲ್ತ್‌ ಗೇಮ್ಸ್‌ಗಾಗಿ ಭಾರತದ ಬಾಕ್ಸಿಂಗ್‌ ತಂಡವನ್ನು ಬುಧವಾರ ಅಧಿಕೃತವಾಗಿ ಪ್ರಕಟಿಸಲಾಗಿದೆ.  

ಮಹಿಳೆಯರ ವಿಭಾಗವನ್ನು ಒಲಿಂಪಿಕ್ಸ್‌ ಪದಕ ವಿಜೇತೆ ಮೇರಿ ಕೋಮ್‌ ಮತ್ತು ಪುರುಷರ ವಿಭಾಗವನ್ನು ತಾರಾ ಬಾಕ್ಸರ್‌ ಮನೋಜ್‌ ಕುಮಾರ್‌ ಮುನ್ನಡೆಸಲಿದ್ದಾರೆ. ಭಾರತ ತಂಡದಲ್ಲಿ 4 ಮಹಿಳೆಯರು, 8 ಪುರುಷರು ಸೇರಿದಂತೆ ಒಟ್ಟು 12 ಬಾಕ್ಸರ್‌ಗಳು ಸ್ಥಾನ ಪಡೆದಿದ್ದಾರೆ. 

ಅಚ್ಚರಿಯೆಂದರೆ, ತಾರಾ ಬಾಕ್ಸರ್‌ ಆಗಿರುವ ಶಿವ ಥಾಪ ಸ್ಥಾನ ಪಡೆಯುವಲ್ಲಿ ವಿಫ‌ಲರಾದದ್ದು!  60 ಕೆಜಿ ವಿಭಾಗದಲ್ಲಿ ಈ ಹಿಂದೆ 2 ಬಾರಿ ಶಿವ ಥಾಪ ವಿರುದ್ಧ ಮನೀಶ್‌ ಕೌಶಿಕ್‌ ಗೆಲುವು ಸಾಧಿಸಿದ್ದರು. ಹೀಗಾಗಿ ಶಿವ ಥಾಪ ಅವರನ್ನು ಹಿಂದಿಕ್ಕಿ ಕೌಶಿಕ್‌ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.