ಭೀಮ್‌ ಆ್ಯಪ್‌ ಬಳಸಿ ಟಿಕೆಟ್‌ ಬುಕ್‌ ಮಾಡಿದೆ ಹಣ ವಾಪಸ್‌

ನವದೆಹಲಿ: ಕೇಂದ್ರ ಸರ್ಕಾರದ ಭೀಮ್‌ ಆ್ಯಪ್‌ ಅನ್ನು ಪ್ರಚುರಪಡಿಸುವ ನಿಟ್ಟಿನಲ್ಲಿ ಭಾರತೀಯ ರೈಲ್ವೆ ಹೊಸ ಯೋಜನೆಯನ್ನು ಜಾರಿಗೆ ತಂದಿದೆ. ಅದೇನೆಂದರೆ ಭೀಮ್‌ ಆ್ಯಪ್‌ ಬಳಸಿ ರೈಲ್ವೆ ಮುಂಗಡ ಟಿಕೆಟ್‌ ಕಾಯ್ದಿರಿಸಿ ದವರಲ್ಲಿ ತಿಂಗಳಿಗೊಮ್ಮೆ ಲಕ್ಕಿ ಡ್ರಾ ಮೂಲಕ 5 ಅದೃಷ್ಟಶಾಲಿಗಳನ್ನು ಆರಿಸಿ, ಅವರಿಗೆ ಉಚಿತವಾಗಿ ಪ್ರಯಾಣಿಸುವ ಅವಕಾಶ ನೀಡಲಾಗುವುದು. 

ಈ ಯೋಜನೆ ಇನ್ನು 6 ತಿಂಗಳ ಕಾಲ ಚಾಲ್ತಿಯಲ್ಲಿರುತ್ತದೆ. ಹಿಂದಿನ ತಿಂಗಳು ಭೀಮ್‌ ಆಪ್‌ ಬಳಸಿ www.irctc.co.in ಮೂಲಕ ಟಿಕೆಟ್‌ ಕಾಯ್ದಿರಿಸುವ ಪ್ರಯಾಣಿಕರಲ್ಲಿ 5 ಪ್ರಯಾಣಿಕರನ್ನು ಪ್ರತಿ ತಿಂಗಳ ಮೊದಲ ವಾರ ಆರಿಸಲಾ ಗುತ್ತದೆ. ಅದೃಷ್ಟಶಾಲಿಗಳಿಗೆ ಅವರು ವೆಚ್ಚ ಮಾಡಿದ್ದ ಸಂಪೂರ್ಣ ಪ್ರಯಾಣ ದರವನ್ನು ಮರಳಿಸಲಾಗುತ್ತದೆ ಎಂದು ಐಆರ್‌ಸಿಟಿಸಿ ಪ್ರಕಟಣೆ ತಿಳಿಸಿದೆ.