ಬಜೆಟ್‌ ಹ್ಯಾಂಗ್‌ಓವರ್‌ ಬಳಿಕ ಮುಂಬಯಿ ಶೇರು ಮತ್ತೆ ಕುಸಿತ

ಮುಂಬಯಿ : ಬಜೆಟ್‌ ಪ್ರಸ್ತಾವಗಳ ಬಲದಲ್ಲಿ ನಿನ್ನೆ ಬುಧವಾರ 486 ಅಂಕಗಳ ಭರ್ಜರಿ ಏರಿಕೆಯನ್ನು ದಾಖಲಿಸಿದ್ದ ಮುಂಬಯಿ ಶೇರು ಪೇಟೆಯ ಸೆನ್ಸೆಕ್ಸ್‌ ಇಂದು ಗುರುವಾರದ ಆರಂಭಿಕ ವಹಿವಾಟಿನಲ್ಲಿ 51 ಅಂಕಗಳ ನಷ್ಟಕ್ಕೆ ಗುರಿಯಾಗಿ ಮುಗ್ಗರಿಸಿದೆ.ಬಜೆಟ್‌ ಹ್ಯಾಂಗ್‌ಓವರ್‌ ಬಳಿಕ ಮುಂಬಯಿ ಶೇರು ಮತ್ತೆ ಕುಸಿತ 

ನಿನ್ನೆಯ ಭರ್ಜರಿ ಏರಿಕೆಯ ಫ‌ಲವಾಗಿ ಉತ್ತಮ ಮುನ್ನಡೆ ಕಂಡಿದ್ದ ಶೇರುಗಳನ್ನು ಇಂದು ವಹಿವಾಟುದಾರರು ಹಾಗೂ ಹೂಡಿಕೆದಾರರು ಅಲ್ಪ ಲಾಭದ ನಗದೀಕರಣಕ್ಕೆ ಮುಂದಾದದ್ದೇ ಸೆನ್ಸೆಕ್ಸ್‌ ಮುಗ್ಗರಿಕೆಗೆ ಕಾರಣವಾಯಿತು. ಮೇಲಾಗಿ ಇಂದು ಗುರುವಾರದ ಆರಂಭಿಕ ವಹಿವಾಟಿನಲ್ಲಿ ಏಶ್ಯನ್‌ ಶೇರುಪೇಟೆಯಲ್ಲಿ ದೌರ್ಬಲ್ಯ ತೋರಿ ಬಂದದ್ದು ಕೂಡ ಸೆನ್ಸೆಕ್ಸ್‌ ಮುಗ್ಗರಿಕೆಗೆ ಮುಳುವಾಯಿತು.

ಬೆಳಗ್ಗೆ 10.45ರ ಹೊತ್ತಿಗೆ ಸೆನ್ಸೆಕ್ಸ್‌ 6.50 ಅಂಕಗಳ ನಷ್ಟದೊಂದಿಗೆ 28,135.14 ಅಂಕಗಳ ಮಟ್ಟದಲ್ಲೂ, ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ 9.55 ಅಂಕಗಳ ನಷ್ಟದೊಂದಿಗೆ 8,706.85 ಅಂಕಗಳ ಮಟ್ಟದಲ್ಲೂ ವ್ಯವಹಾರ ನಿರತವಾಗಿದ್ದವು. 

ಇಂದಿನ ಬೆಳಗ್ಗಿನ ವಹಿವಾಟಿನಲ್ಲಿ ಐಟಿಸಿ, ಭಾತಿರ, ಎನ್‌ಟಿಪಿಸಿ, ಐಸಿಐಸಿಐ ಬ್ಯಾಂಕ್‌ ಮತ್ತು ಓಎನ್‌ಜಿಸಿ ಶೇರುಗಳು ಟಾಪ್‌ ಗೇನರ್‌ ಎನಿಸಿಕೊಂಡವು. ಮಹೀಂದ್ರ, ಟಾಟಾ ಮೋಟರ್‌, ವಿಪ್ರೋ, ಗೇಲ್‌ ಮತ್ತು ಎಚ್‌ ಡಿ ಎಫ್ ಸಿ ಶೇರುಗಳು ಟಾಪ್‌ ಲೂಸರ್‌ ಎನಿಸಿಕೊಂಡವು.