ಉತ್ತರ ಪ್ರದೇಶ:ಅಕಾಲ್ ತಖ್ತ್ ಎಕ್ಸ್‌ಪ್ರೆಸ್‌ ರೈಲಲ್ಲಿ ಬಾಂಬ್‌ ಪತ್ತೆ

ಅಮೇಥಿ: ಕೊಲ್ಕತ್ತಾದಿಂದ ಅಮೃತ್‌ಸರ್‌ಗೆ ಹೊರಟ್ಟಿದ್ದ ಅಕಾಲ್‌ ತಖ್ತ್ ಎಕ್ಸ್‌ಪ್ರೆಸ್‌ ರೈಲಿನಲ್ಲಿ ಬಾಂಬ್‌ ಪತ್ತೆಯಾಗಿದ್ದು ಸುಳಿವು  ಸಿಕ್ಕ ತಕ್ಷಣ ಬಾಂಬ್‌ ನಿಷ್ಕ್ರಿಯಗೊಳಿಸಿ ಬಾರಿ ಅನಾಹುತವೊಂದನ್ನು ತಪ್ಪಿಸಲಾದ ಘಟನೆ ಉತ್ತರ ಪ್ರದೇಶದ ಅಮೇಥಿ ರೈಲ್ವೇ ನಿಲ್ದಾಣದಲ್ಲಿ ಗುರುವಾರ ನಡೆದಿದೆ.

ರೈಲಿನ ವಾಶ್‌ ಬೇಸಿನ್‌ ಸ್ಥಳದಲ್ಲಿ ಬಾಂಬ್‌ ಪತ್ತೆಯಾಗಿದ್ದು, ಪ್ರಯಾಣಿಕರೊಬ್ಬರು ಇದನ್ನು ಗಮನಿಸಿದ್ದಾರೆ. ತಕ್ಷಣವೇ ರೈಲ್ವೇ ಸಿಬಂದಿಗೆ ವಿಷಯ ತಿಳಿಸಿದ್ದಾರೆ. ಎಚ್ಚೆತ್ತುಕೊಂಡ ಸಿಂಬಂದಿ ಅಮೇಥಿ ರೈಲ್ವೇ ಸ್ಟೇಷನ್ನಲ್ಲಿ ರೈಲನ್ನು ನಿಲ್ಲಸಿ ಪ್ರಯಾಣಿಕರನ್ನು ಕೆಳಗಿಸಿ ಬಾಂಬ್‌ನ್ನು ನಿಷ್ಕ್ರಿಯಯಗೊಳಿಸಿದ್ದಾರೆ.

ಜಮ್ಮು ಮತ್ತು ಕಾಶ್ಮೀರದ ಉಗ್ರ ಲಷ್ಕರ್‌ ಇ ತೊಯ್ಬಾ ಉಗ್ರಗಾಮಿ ಅಬು ದುಜಾನಾ ಹತ್ಯೆಗೆ ಪ್ರತೀಕಾರವಾಗಲಿದೆ ಎಂದು ಎಚ್ಚರಿಕೆಯ ಬರಹ ಇರುವ ಪತ್ರವೊಂದು ಬಾಂಬ್‌ ಸಿಕ್ಕ ಸ್ಥಳದಲ್ಲಿ ಪತ್ತೆಯಾಗಿದೆ .