Advertisement

ಬಾಲಿವುಡ್‌ ನಲ್ಲಿ ‘ಕೇಸರಿ’ ಕೇಕೆ : 116 ಕೋಟಿ ಗಳಿಕೆ

09:14 AM Apr 01, 2019 | Hari Prasad |

ನವದೆಹಲಿ: ಸ್ವಾತಂತ್ರ್ಯಪೂರ್ವದ ಕಥಾಹಂದರವನ್ನು ಹೊಂದಿರುವ ನೈಜ ಘಟನೆಯೊಂದರಿಂದ ಪ್ರೇರೇಪಿತವಾಗಿ ನಿರ್ಮಾಣಗೊಂಡಿರುವ ಅಕ್ಷಯ್‌ ಕುಮಾರ್‌ ನಟನೆಯ ಬಾಲಿವುಡ್‌ ಚಿತ್ರ ‘ಕೇಸರಿ’ ಬಾಕ್ಸ್‌ ಆಫೀಸ್‌ ಚಿಂದಿ ಮಾಡುತ್ತಾ ಮುನ್ನುಗ್ಗುತ್ತಿದೆ. 100 ಕೋಟಿ ಕ್ಲಬ್‌ ಗೆ ಪ್ರವೇಶ ಪಡೆದಿರುವ ಈ ಚಿತ್ರ ಇದೀಗ 116.76 ಕೋಟಿ ರೂಪಾಯಿಗಳನ್ನು ಗಳಿಸಿ ಇನ್ನೂ ಉತ್ತಮ ಪ್ರದರ್ಶನವನ್ನು ಕಾಣುತ್ತಿದೆ.

Advertisement

ಚಿತ್ರ ವಿಮರ್ಶಕ ತರಣ್‌ ಆದರ್ಶ್‌ ಅವರು ಕೇಸರಿ ಚಿತ್ರದ ಗಳಿಕೆಯ ವಿವರಗಳನ್ನು ತಮ್ಮ ಟ್ವಿಟ್ಟರ್‌ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಎರಡನೇ ವಾರದಲ್ಲಿ ‘ಕೇಸರಿ’ ಚಿತ್ರವು ಉತ್ತರ ಭಾರತದಲ್ಲಿ ಉತ್ತಮ ಗಳಿಕೆಯೊಂದಿಗೆ ಮುನ್ನುಗ್ಗುತ್ತಿದ್ದು ಶುಕ್ರವಾರ 4.45 ಕೋಟಿ ಮತ್ತು ಶನಿವಾರದಂದು 6.45 ಕೋಟಿ ರೂಪಾಯಿಗಳನ್ನು ಗಳಿಸುವ ಮೂಲಕ ಒಟ್ಟಾರೆಯಾಗಿ 116.76 ಕೋಟಿ ರೂಪಾಯಿಗಳನ್ನು ಗಳಿಸಿಕೊಂಡಿದೆ ಮತ್ತು ಇದೇ ರೀತಿಯ ಗಳಿಕೆ ಮುಂದುವರೆದಲ್ಲಿ ಸದ್ಯದಲ್ಲೇ ‘ಕೇಸರಿ’ ಒಟ್ಟಾರೆ 150 ಕೋಟಿ ಕ್ಲಬ್‌ ಗೆ ಸೇರ್ಪಡೆಗೊಳ್ಳಲಿದೆ.

ಅಕ್ಷಯ್‌ ಕುಮಾರ್‌, ಪರಿಣಿತಿ ಚೋಪ್ರಾ ಮುಖ್ಯ ಭೂಮಿಕೆಯಲ್ಲಿರುವ ಈ ಚಿತ್ರವನ್ನು ಅನುರಾಗ್‌ ಕಶ್ಯಪ್‌ ನಿರ್ದೇಶಿಸಿದ್ದಾರೆ. ಬ್ರಿಟಿಶ್‌ ಸರಕಾರದಲ್ಲಿದ್ದ ಸಿಖ್‌ ರೆಜಿಮೆಂಟ್‌ ಮತ್ತು ಅಫ್ಘಾನ್‌ ದಾಳಿಕೋರರ ನಡುವೆ ನಡೆದಿದೆ ಎನ್ನಲಾಗುತ್ತಿರುವ ‘ಸರ್‌ ಗಢಿ ಕಾಳಗ’ದ ಕಥೆಯನ್ನು ಕೇಸರಿ ಚಿತ್ರವು ಹೊಂದಿದೆ. ಮಿರ್‌ ಸರ್ವಾರ್‌, ವಂಶ್‌ ಭಾರಧ್ವಜ್‌, ಜಸ್‌ ಪ್ರೀತ್‌ ಸಿಂಗ್‌, ವಿವೇಕ್‌ ಸೈನಿ ಮತ್ತು ವಿಕ್ರಂ ಕೊಚ್ಚಾರ್‌ ಹಾಗೂ ಇತರರ ತಾರಾಗಣವೂ ಈ ಚಿತ್ರಕ್ಕಿದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next