ಕ್ವಾರೆಂಟೈನ್‌ ಕೇಂದ್ರಕ್ಕೆ ಕಟ್ಟಡ ಕೊಟ್ಟ ಕಿಂಗ್‌ ಖಾನ್‌

ಬಾಲಿವುಡ್‌ ನಟ ಶಾರೂಖ್‌ ಖಾನ್‌ ಮುಂಬಯಿನಲ್ಲಿ ತಾವು ಹೊಂದಿರುವ 4 ಅಂತಸ್ತುಗಳ ಕಟ್ಟಡವನ್ನು ಇದೀಗ ಕ್ವಾರೆಂಟೈನ್‌ ಕೇಂದ್ರವನ್ನಾಗಿ ಮಾರ್ಪಡಿಸಲು ಒಪ್ಪಿಕೊಂಡಿದ್ದಾರೆ.

ಈ ಬಗ್ಗೆ ಟ್ವೀಟ್‌ ಮಾಡಿರುವ ಬೃಹನ್ಮುಂಬೈ ಮಹಾನಗರ ಪಾಲಿಕೆ, ಸದ್ಯ ಮುಂಬಯಿನಲ್ಲಿ ಮಹಿಳೆಯರು, ಮಕ್ಕಳು ಮತ್ತು ಹಿರಿಯರ ಕ್ವಾರೆಂಟೈನ್‌ ಸಂಖ್ಯೆ ಹೆಚ್ಚಳಕ್ಕೆ ಸಿದ್ದತೆ ಮಾಡಿಕೊಳ್ಳುತ್ತಿದ್ದು, ಈ ವೇಳೆ ಶಾರೂಖ್‌ ಖಾನ್‌ ತಮ್ಮ ಕಚೇರಿಯನ್ನೆ ಕ್ವಾರೆಂಟೈನ್‌ ಮಾಡಲು ಅವಕಾಶ ಮಾಡಿಕೊಟ್ಟಿರುವುದಕ್ಕೆ ಧನ್ಯವಾದಗಳು ಎಂದಿದೆ.