ಈಗ ನಡೆಯುತ್ತಿದೆ ಜೀವನದ ಬಿಗ್‌ ಬಾಸ್‌; ನಿಯಮಗಳನ್ನು ಪಾಲಿಸಿ ಕೋವಿಡ್ ಗೆಲ್ಲೋಣ: ಸಲ್ಲು ಸಂದೇಶ

ಮುಂಬಯಿ: ಲಾಕ್‌ ಡೌನ್‌ ನಿಯಮಗಳನ್ನು ಉಲ್ಲಂಘಿಸುವವರ ಹಾಗೂ ಆರೋಗ್ಯ ಕಾರ್ಯಕರ್ತರ ಮೇಲೆ ಕಲ್ಲು ತೂರಾಟ ಮಾಡುತ್ತಿರುವ ಜನರ ಮೇಲೆ ಬಾಲಿವುಡ್‌ ನಟ ಸಲ್ಮಾನ್‌ ಖಾನ್‌ ಬೇಸರ ವ್ಯಕ್ತಪಡಿಸಿದ್ದಾರೆ.

ವಿಡಿಯೋ ಸಂದೇಶ ಒಂದನ್ನು ನೀಡಿರುವ ಅವರು, ವೈರಸ್‌ ಹರಡುವಿಕೆಯನ್ನು ತಡೆಗಟ್ಟಲು ಸರಕಾರ ರೂಪಿಸಿರುವ ಮಾರ್ಗಸೂಚಿಗಳನ್ನು ಪ್ರತೀಯೊಬ್ಬರು ಪಾಲಿಸಬೇಕು.

ವೈರಸ್‌ ವಿರುದ್ಧ ಹೋರಾಡುತ್ತಿರುವ ಆರೋಗ್ಯ ಕಾರ್ಯಕರ್ತರು, ಸ್ವಯಂ ಸೇವಕರ ಪ್ರಯತ್ನವನ್ನು ಶ್ಲಾಘಿಸಿದ್ದಾರೆ.

ಈಗ ಜೀವನದ ಬಿಗ್‌ಬಾಸ್‌ ನಡೆಯುತ್ತಿದೆ, ಕೋವಿಡ್ ವೈರಸ್‌ ಈಗ ಎಲ್ಲರನ್ನೂ ಮನೆಯಲ್ಲಿರುವಂತೆ ಮಾಡಿದ್ದಲ್ಲದೆ ಮಾತ್ರವಲ್ಲದೇ ಮುಂದಿನ ದಿನಗಳ ಕುರಿತಾಗಿ ನಮ್ಮೆಲ್ಲರ ಆತಂಕವನ್ನೂ ಇದು ಹೆಚ್ಚಿಸಿದೆ ಎಂದು ಸಲ್ಲು ಹೇಳಿದ್ದಾರೆ.