ಕೋಡಿಬೆಂಗ್ರೆಯಲ್ಲಿ ಬೋಟ್‌ಮುಳುಗಡೆ: 9 ಲಕ್ಷ ರೂ. ನಷ್ಟ

ಮಲ್ಪೆ: ಮೀನುಗಾರಿಕೆ ತೆರಳಿದ್ದ ಶಕುಂತಳಾ ಕರ್ಕೇರ ಅವರ ಹನುಮ ಸಾನ್ನಿಧ್ಯ ಬೋಟ್‌ ಕೋಡಿಬೆಂಗ್ರೆ ಸಮೀಪ ರವಿವಾರ  ಬಂಡೆಗೆ ಬಡಿದು ಹಾನಿಗೀಡಾಗಿ ಮುಳುಗಿದ್ದು, 9 ಲ. ರೂ. ನಷ್ಟ ಅಂದಾಜಿಸಲಾಗಿದೆ. 

ಕೋಡಿಬೆಂಗ್ರೆ ಬಳಿ ಸುಮಾರು 12 ಮಾರು ಆಳದೂರದಲ್ಲಿರುವಾಗ ತಾಂತ್ರಿಕ ದೋಷ ಉಂಟಾಗಿ ಎಂಜಿನ್‌ ಕೆಟ್ಟು ಹೋಯಿತು. ಗಾಳಿ ಮಳೆಯಿಂದಾಗಿ ಬೋಟ್‌ ನಿಯಂತ್ರಣಕ್ಕೆ ಸಿಗದೆ ಸುಮಾರು 7 ಮಾರುಗಳಷ್ಟು ತೀರಕ್ಕೆ ಬಂದು ಕಲ್ಲಿಗೆ ಬಡಿದು ನೀರು ತುಂಬಿ ಮುಳುಗಿತು. ಬೋಟಿನಲ್ಲಿದ್ದ ಮೂವರನ್ನು ಭವತ್ಯ ಮತ್ತು ಲಕ್ಷ್ಮೀಪಂಡರಿ ಬೋಟಿನವರು ರಕ್ಷಿಸಿದ್ದಾರೆ. ಬೋಟನ್ನು ಮಲ್ಪೆ ಬಂದರಿಗೆ ಎಳೆದು ತರಲಾಗಿದೆ.