ಬೆಂಗಳೂರಿನ ಅಮೃತ ವಿಶ್ವ ವಿದ್ಯಾಪೀಠಕ್ಕೆ ಹೆಗ್ಗಳಿಕೆ

ಹೊಸದಿಲ್ಲಿ: ವಿಶ್ವದರ್ಜೆ ಶಿಕ್ಷಣ ಸಂಸ್ಥೆಗಳನ್ನಾಗಿ ಅಭಿ ವೃದ್ಧಿಪಡಿಸುವ ಉದ್ದೇಶದಿಂದ ಕಳೆದ ವರ್ಷ ದಿಂದಲೂ ದೇಶದ ಪ್ರತಿಷ್ಠಿತ ಶಿಕ್ಷಣ ಸಂಸ್ಥೆಗಳನ್ನು ಗುರುತಿಸುವ ಯೋಜನೆ ಹಮ್ಮಿಕೊಳ್ಳಲಾಗಿದ್ದು, ಇದರ ಅಡಿಯಲ್ಲಿ ಈ ವರ್ಷ ಬೆಂಗಳೂರಿನ ಅಮೃತ ವಿಶ್ವ ವಿದ್ಯಾಪೀಠ ಸಹಿತ 10 ಖಾಸಗಿ ಮತ್ತು 10 ಸರಕಾರಿ ಶಿಕ್ಷಣ ಸಂಸ್ಥೆಗಳನ್ನು ಗುರುತಿಸಲಾಗಿದೆ.

ಪ್ರತಿಷ್ಠಿತ ಸಂಸ್ಥೆಗಳ ಪಟ್ಟಿಯನ್ನು ವಿಶ್ವವಿದ್ಯಾಲಯ ಧನಸಹಾಯ ಆಯೋಗವು ಆಯ್ಕೆ ಮಾಡಿದ್ದು, ದಿಲ್ಲಿ ವಿವಿ, ಬನಾರಸ್‌ ಹಿಂದೂ ವಿವಿ, ಹೈದರಾಬಾದ್‌ ವಿವಿ ಮತ್ತು ಮದ್ರಾಸ್‌ ಹಾಗೂ ಖರಗ್‌ಪುರ ಐಐಟಿ ಕೂಡ ಈ ಸ್ಥಾನ ಪಡೆದಿವೆ. ಎನ್‌. ಗೋಪಾಲಸ್ವಾಮಿ ನೇತೃತ್ವದಲ್ಲಿ ಯುಜಿಸಿ ರಚಿಸಿದ ಉನ್ನತಾಧಿಕಾರ ತಜ್ಞರ ಸಮಿತಿಯು ಒಟ್ಟು 15 ಖಾಸಗಿ ಮತ್ತು 15 ಸರಕಾರಿ ಶಿಕ್ಷಣ ಸಂಸ್ಥೆಗಳ ಹೆಸರನ್ನು ಶಿಫಾರಸು ಮಾಡಿತ್ತು.