BMTC ಬಸ್‌ ಹರಿದು ಸಿವಿಲ್‌ ಗುತ್ತಿಗೆದಾರ ಸ್ಥಳದಲ್ಲೇ ಸಾವು

ಬೆಂಗಳೂರು: ಹಿಂದಿನಿಂದ ಬಂದ ಬಿಎಂಟಿಸಿ ಬಸ್‌ ಬೈಕ್‌ಗೆ ಡಿಕ್ಕಿ ಹೊಡೆದ ಪರಿಣಾಮ ಸಿವಿಲ್‌ ಕಂಟ್ರ್ಯಾಕ್ಟರ್‌ ಮೃತಪಟ್ಟಿರುವ ಘಟನೆ ಯಲಹಂಕ ಸಂಚಾರ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ.

ಮತ್ತಿಕೆರೆ ನಿವಾಸಿ ಭರತ್‌ ರೆಡ್ಡಿ(24) ಮೃತ ಸಿವಿಲ್‌ ಕಂಟ್ರ್ಯಾಕ್ಟರ್‌.

ಬುಧವಾರ ಸಂಜೆ 5 ಗಂಟೆಗೆ ಅಟ್ಟೂರಿನ ಮದರ್‌ ಡೇರಿ ಬಳಿ ಘಟನೆ ನಡೆದಿದೆ. ಸಿವಿಲ್‌ ಗುತ್ತಿಗೆದಾರನಾಗಿರುವ ಭರತ್‌ ರೆಡ್ಡಿ, ಬುಧವಾರ ಅಟ್ಟೂರಿನಲ್ಲಿ ನಿರ್ಮಿಸುತ್ತಿರುವ ಕಟ್ಟಡ ಪರಿಶೀಲಿಸಲು ಬೈಕ್‌ನಲ್ಲಿ ಹೋಗಿದ್ದರು. ವಾಪಸ್‌ ಸಂಜೆ 5 ಗಂಟೆಗೆ ಬರುವಾಗ ಅತಿ ವೇಗವಾಗಿ ಹಿಂದಿನಿಂದ ಬಂದ ಬಿಎಂಟಿಸಿ ಬಸ್‌ ಭರತ್‌ ರೆಡ್ಡಿ ಬೈಕ್‌ಗೆ ಗುದ್ದಿದ್ದು, ಕೆಳಗೆ ಬಿದ್ದ ಆತನ ಮೇಲೆ ಬಸ್‌ನ ಚಕ್ರಗಳು ಹರಿದು ಸ್ಥಳದಲ್ಲೇ ಮೃತಪಟ್ಟಿದ್ದಾನೆ ಎಂದು ಸಂಚಾರ ಪೊಲೀಸರು ಹೇಳಿದರು.

ಯಲಹಂಕ ಸಂಚಾರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.