ನೀಲಿ ಶ್ರೀ ನೀಲಕಂಠೇಶ್ವರ ದೇಗುಲ ಆಟಿ ಅಮಾವಾಸ್ಯೆ ತೀರ್ಥಸ್ನಾನ

ಪುಂಜಾಲಕಟ್ಟೆ : ಬಂಟ್ವಾಳ ತಾ| ವಾಮದಪದವು ನೀಲಿ ಶ್ರೀ ನೀಲಕಂಠೇಶ್ವರ ದೇವಸ್ಥಾನದಲ್ಲಿ ಆಟಿ ಅಮಾವಾಸ್ಯೆಯ ಪ್ರಯುಕ್ತ ರವಿವಾರ ವಿಶೇಷ ತೀರ್ಥಸ್ನಾನ, ಪೂಜೆಗಳು ನಡೆದವು.

ಇಲ್ಲಿ ಕಲ್ಲಿನಲ್ಲಿ ಪ್ರಾಕೃತಿಕವಾಗಿ ನಿರ್ಮಿತಗೊಂಡ ದೋಣಿಯಾಕಾರದ ಕಲ್ಲಮರಾಯಿ ಎಂಬ ಕೆರೆಯ ನೀರಿನಲ್ಲಿ  ಭಕ್ತರು ತೀರ್ಥ ಸ್ನಾನ ನಡೆಸಿದರು.ಕ್ಷೇತ್ರದ ಆಡಳಿತ ಮೊಕ್ತೇಸರ ವಿಜಯ ರೈ ಆಲದಪದವು,ಪದಾಧಿಕಾರಿಗಳಾದ ಗೋಪಾಲ ಶೆಟ್ಟಿ, ಮೋಹನದಾಸ ಗಟ್ಟಿ, ಪುರುಷೋತ್ತಮ ಶೆಟ್ಟಿ, ನಾರಾಯಣ ಶೆಟ್ಟಿ, ಯಶಸ್‌ ರೈ, ಪ್ರಕಾಶ್‌ ಪೂಜಾರಿ ಕಲ್ಲಕೊಡಂಗೆ ಮತ್ತಿತರರು ಸಹಕರಿಸಿದರು.