ಗೋವಾ ತೀರದಲ್ಲಿ ‘ಬ್ಲೂ ಬಟನ್‌’

ಪಣಜಿ: ಜೆಲ್ಲಿ ಫಿಶ್‌ ಜಾತಿಗೆ ಸೇರಿದ ‘ಪೋರ್ಪಿಟಾ ಪೋರ್ಪಿಟಾ’ ಎಂಬ ಮೀನುಗಳು ಗೋವಾದ ಕರಾ ವಳಿಯುದ್ದಕ್ಕೂ ಹೇರಳವಾಗಿ ಕಂಡುಬಂದಿವೆ ಎಂದು ಗೋವಾ ಕರಾವಳಿಗೆ ಕಾವಲು ಸೇವೆ ಸಲ್ಲಿಸುವ ದೃಷ್ಟಿ ಮರೈನ್‌ ಸರ್ವೀಸಸ್‌ ಸಂಸ್ಥೆ ಹೇಳಿದೆ.

ಈ ಮೀನುಗಳು ಮಾನವರಿಗೆ ಸೋಕಿದ ಕೂಡಲೇ ಸೋಕಿದ ಜಾಗದಲ್ಲಿ ಕೆರೆತ ಉಂಟಾಗುತ್ತದೆ. ಸಾಮಾನ್ಯ ಭಾಷೆಯಲ್ಲಿ ಬ್ಲೂ ಬಟನ್‌ ಎಂದು ಕರೆಯಲ್ಪಡುವ ಇವು, ಉಷ್ಣ ವಲಯದ ಸಮುದ್ರಗಳಲ್ಲಿ ಕಾಣಸಿಗುತ್ತವೆ. ಹಾಗಾಗಿ, ಪೆಸಿಫಿಕ್‌, ಅಟ್ಲಾಂಟಿಕ್‌ ಹಾಗೂ ಭಾರತದ ಸುತ್ತಲಿರುವ ಸಮುದ್ರ ತೀರಗಳಲ್ಲಿ ಇವು ಹೆಚ್ಚಾಗಿರುತ್ತವೆ ಎಂದು ಸಂಸ್ಥೆ ಹೇಳಿದೆ.

”ನಮ್ಮ ಸಿಬ್ಬಂದಿಯು, ಬ್ಲೂ ಬಟನ್‌ ಮಾದರಿಯ ಮೀನು ಗಳು ಉತ್ತರ ಹಾಗೂ ದಕ್ಷಿಣ ಗೋವಾದ ಸಮುದ್ರ ತೀರಗಳಲ್ಲಿ ಅಲೆಗಳ ಮೂಲಕ ಕೊಚ್ಚಿಕೊಂಡು ಬಂದಿ ರುವುದನ್ನು ಗಮನಿಸಿದ್ದಾರೆ. ಅವುಗಳನ್ನು ಮುಟ್ಟುವುದರಿಂದ ಚರ್ಮದ ತುರಿಕೆ ಉಂಟಾಗಬಹುದು” ಎಂದು ಸಂಸ್ಥೆ ಹೇಳಿದೆ.