ಬೆಳಗಾವಿ:CISF ಸೆಂಟರ್‌ನಲ್ಲಿ ಸ್ಫೋಟ;ನಾಲ್ವರಿಗೆ ಗಂಭೀರ ಗಾಯ 

ಖಾನಾಪುರ: ಇಲ್ಲಿನ  ಜಾಂಬೋಟಿ ಅರಣ್ಯ ಪ್ರದೇಶದಲ್ಲಿ ರುವ ಸಿಐಎಸ್‌ಎಫ್ ತರಬೇತಿ ಕೇಂದ್ರ ದ ನಿರ್ಬಂಧಿತ ಪ್ರದೇಶದಲ್ಲಿ  ಭಾನುವಾರ ಸ್ಫೋಟ ಸಂಭವಿಸಿದ್ದು,ದನ ಮೇಯಿಸುತ್ತಿದ್ದ ನಾಲ್ವರು ಗಂಭೀರವಾಗಿ ಗಾಯಗೊಂಡಿದ್ದಾರೆ. 

ಗಾಯಗೊಂಡಿರುವ ನಾಲ್ವರು ನಿರ್ಬಂಧಿತ ಪ್ರದೇಶವನ್ನು ಪ್ರವೇಶಿಸಿದ್ದ ವೇಳೆ ಸ್ಫೋಟ ಸಂಭವಿಸಿದೆ ಎಂದು ತಿಳಿದು ಬಂದಿದೆ. 

ಗಾಯಗೊಂಡಿದ್ದ ನಾಲ್ವರನ್ನು  ಸಿಐಎಸ್‌ಎಫ್ ಪೊಲೀಸರು  ಖಾಸಗಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ. 

ಖಾನಾಪುರ ಪೊಲೀಸರು ಸ್ಥಳಕ್ಕಾಗಮಿಸಿ ಪರಿಶೀಲನೆ ನಡೆಸಿದ್ದು , ಪ್ರಕರಣ ದಾಖಲಿಸಿಕೊಂಡಿದ್ದಾರೆ.