Advertisement

Fact Check : ಕರಿಮೆಣಸು, ಶುಂಠಿ, ಜೇನುತುಪ್ಪ ಕೋವಿಡ್ ನಿಯಂತ್ರಣಕ್ಕೆ ಔಷಧವಲ್ಲ…!

01:45 PM Apr 26, 2021 | Team Udayavani |

ನವದೆಹಲಿ : ಸದ್ಯ ದೇಶದಲ್ಲಿ ಜನರು ಕೋವಿಡ್ ಸೋಂಕಿನಿಂದ ತತ್ತರಿಸಿ ಹೋಗಿದ್ದಾರೆ. ಈ ವೇಳೆ ತಮ್ಮ ಜೀವ ಉಳಿಸಿಕೊಳ್ಳಲು ಏನನ್ನು ಬೇಕಾದರು ಮಾಡಲು ಜನ ಸಿದ್ಧರಿದ್ದಾರೆ. ಆದ್ರೆ ಇಂತಹ ಪರಿಸ್ಥಿತಿಯನ್ನೇ ಬಳಕೆ ಮಾಡಿಕೊಂಡಿರುವ ಕೆಲವರು ಸುಳ್ಳು ಸುಳ್ಳು ಸುದ್ದಿಗಳನ್ನು ಹಬ್ಬಿಸುತ್ತಿದ್ದಾರೆ. ಕೋವಿಡ್ ಸೋಂಕು ದೇಶಕ್ಕೆ ಪ್ರವೇಶ ಪಡೆದ ಸಂದರ್ಭದಲ್ಲಿ ಕೆಲವು ಸುಳ್ಳು ಸುದ್ದಿಗಳು ಹರಿದಾಡಿದ್ದು, ಈ ಸೋಂಕನ್ನು ನಿವಾರಣೆ ಮಾಡಲು ಕರಿಮೆಣಸು, ಶುಂಠಿ, ಜೇನು ತುಪ್ಪವನ್ನು ಸೇವನೆ ಮಾಡಬೇಕು ಎಂದು ಹೇಳಲಾಗಿತ್ತು.

Advertisement

ಹೌದು ಈ ಸುದ್ದಿ ಸುಳ್ಳು ಎಂದು ಇದೀಗ WHO ಸ್ಪಷ್ಟ ಪಡಿಸಿದೆ. ಪಾಂಡಿಚರಿಯ ಒಬ್ಬ ವೈದ್ಯಕೀಯ ವಿದ್ಯಾರ್ಥಿ ಈ ಸುದ್ದಿಯನ್ನು ಹರಿಬಿಟ್ಟಿದ್ದ. ಕೋವಿಡ್ ಸೋಂಕನ್ನು ಕಡಿಮೆ ಮಾಡಲು ನೀವು ಶುಂಠಿ, ಕರಿಮೆಣಸು ಮತ್ತು ಜೇನು ತುಪ್ಪವನ್ನು ಸೇವಿಸಬೇಕು ಎಂದು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಹಾಕಿದ್ದ. ಇದನ್ನು ನಂಬಿದ ಅದೆಷ್ಟೋ ಜನ ಈ ಸಂಬಂಧದ ಮಾಹಿತಿಯನ್ನು ಸೋಷಿಯಲ್ ಮೀಡಿಯಾದಲ್ಲಿ ಫಾರ್ವರ್ಡ್ ಕೂಡ ಮಾಡಿದ್ದರು.

ಆದ್ರೆ ಇದೀಗ ವಿಶ್ವ ಆರೋಗ್ಯ ಸಂಸ್ಥೆ ಈ ಬಗ್ಗೆ ಸ್ಪಷ್ಟನೆ ನೀಡಿದ್ದು. ಇಂತಹ ಮಾಹಿತಿಗಳನ್ನು ನಂಬಬೇಡಿ. ಅಧಿಕೃತ ಸಂಸ್ಥೆಗಳು ನೀಡುವ ಆರೋಗ್ಯದ ಮಾಹಿತಿಗಳನ್ನು ಮಾತ್ರ ನಂಬಿ. ಅಲ್ಲದೆ ಈ ರೀತಿಯ ಫೇಕ್ ಸುದ್ದಿಗಳು ನಿಮ್ಮ ಗಮನಕ್ಕೆ ಬಂದರೆ ಅವುಗಳನ್ನು ಶೇರ್ ಮಾಡಬೇಡಿ ಎಂದು ತಿಳಿಸಿದೆ.

ಈ ಸುದ್ದಿಯನ್ನು PIB fact check (ಪ್ರೆಸ್ ಇನ್ಫರ್ಮೇಷನ್ ಬ್ಯೂರೋ) ಟ್ವಿಟ್ಟರ್ ಖಾತೆ ಶೇರ್ ಮಾಡಿದೆ. ಅದ್ರಲ್ಲಿ ವೈದ್ಯಕೀಯ ವಿದ್ಯಾರ್ಥಿ ಶೇರ್ ಮಾಡಿದ್ದ ಲೇಖನದ ಸ್ಕ್ರೀನ್ ಶಾಟ್ ಹಾಕಿದ್ದು, ಇದು ಫೇಕ್ ಸುದ್ದಿ ಎಂದು ಬರೆದಿದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next