ಸಾಕ್ಷತ್‌ ರೈ ಅವರಿಗೆ ಬ್ಲ್ಯಾಕ್‌ ಬೆಲ್ಟ್ 2ನೇ ಪದವಿ

ಪುಣಚ : ಅಖಿಲ ಭಾರತ ಬುಡೋಕಾನ್‌ ಫೆಡರೇಶನ್‌ ವತಿಯಿಂದ ನಡೆಸಿದ ಬ್ಲ್ಯಾಕ್‌ ಬೆಲ್ಟ್ ಪರೀಕ್ಷೆಯಲ್ಲಿ ತೇರ್ಗಡೆಯಾದ ಸಾಕ್ಷತ್‌ ರೈ ಅವರಿಗೆ ಬ್ಲ್ಯಾಕ್‌ ಬೆಲ್ಟ್ 2ನೇ ಪದವಿ ನೀಡಲಾಯಿತು. ಇನ್‌ ಸ್ಟಿಟ್ಯೂಟ್‌ ಆಫ್‌ ಕರಾಟೆ ಅಂಡ್‌ ಅಲೈಡ್ ಆರ್ಟ್ಸ್ ಮುಖ್ಯ ಶಿಕ್ಷಕ ಪ್ರವೀಣ್‌ ಕುಮಾರ್‌ ಪ್ರದಾನ ಮಾಡಿದರು.

ಸಾಕ್ಷತ್‌ ರೈಯವರು ಕಳೆದ 7 ವರ್ಷಗಳಿಂದ ಇನ್‌ಸ್ಟಿಟ್ಯೂಟ್‌ ಆಫ್‌ ಕರಾಟೆ ಅಂಡ್‌ ಅಲೈಡ್ ಆರ್ಟ್ಸ್ ಪುತ್ತೂರು ಶಾಲೆಯ ಶಿಕ್ಷಕ ಶಿಹಾನ್‌ ಸುರೇಶ್‌ ಎಂ. ಅವರಲ್ಲಿ ತರಬೇತಿ ಪಡೆಯುತ್ತಿದ್ದಾರೆ. ಇವರು ವಿವೇಕಾನಂದ ಆಂಗ್ಲಮಾಧ್ಯಮ ಶಾಲಾ 10ನೇ ತರಗತಿ ವಿದ್ಯಾರ್ಥಿ. ಪುಣಚ ಗ್ರಾಮದ ಪರಿಯಾಲು ವಿಶ್ವನಾಥ ರೈಮತ್ತು ಸರಿತಾ ದಂಪತಿ ಪುತ್ರ.