ಕೇವಲ 9 ಮತ ಚಲಾವಣೆ; 7 ಮತದಿಂದ ಬಿಜೆಪಿ ಅಭ್ಯರ್ಥಿ ವಿಜಯ !

ಶ್ರೀನಗರ : ಬಿಜೆಪಿ ಅಭ್ಯರ್ಥಿ ಬಶೀರ್‌ ಅಹ್ಮದ್‌ ಮೀರ್‌ ಅವರು ಇಂದು ಶನಿವಾರ ಶ್ರೀನಗರ ಮುನಿಸಿಪಲ್‌ ಕಾರ್ಪೋರೇಶನ್‌ (ಎಸ್‌ಎಂಸಿ) ಕಾರ್ಪೊರೇಟರ್‌ ಆಗಿ ಕೇವಲ ಏಳು ಮತಗಳ ಅಂತರದಿಂದ ಜಯಶಾಲಿಯಾದರು. 

ವಿಶೇಷವೆಂದರೆ ನಗರದ ಹೊರ ವಲಯದ ಶಂಕರಪುರ ವಾರ್ಡ್‌ ನಲ್ಲಿ ಕಳೆದ ಅ.8ರಂದು ನಡೆದಿದ್ದ ಚುನಾವಣೆಯಲ್ಲಿ ಕೇವಲ 9 ಮತಗಳು ಮಾತ್ರವೇ ಚಲಾಯಿಸಲ್ಪಟ್ಟಿದ್ದವು. 

ಮೀರ್‌ ಅವರಿಗೆ ತಾವು ಜಯಗಳಿಸುವುದು ಎಷ್ಟು ನಿಶ್ಚಿತವಾಗಿತ್ತೆಂದರೆ ಶಂಕರಪುರ ಮತಗಟ್ಟೆಯಲ್ಲಿ  ಮತದಾನ ಮುಗಿದಾಕ್ಷಣವೇ ಅವರು ತನ್ನ ವಿಜಯವನ್ನು ತಾನೇ ಘೋಷಿಸಿಕೊಂಡಿದ್ದರು. ಅಂತೂ 7 ಮತಗಳ ಅಂತರದಲ್ಲಿ ಇವರ ವಿಜಯ ಕೊನೆಗೂ ಅಧಿಕೃತವಾಗಿ ಘೋಷಿಸಲ್ಪಟ್ಟಿತು.