ಗೋವೆಯ 3 ಅಸೆಂಬ್ಲಿ ಕ್ಷೇತ್ರಗಳ ಉಪಚುನಾವಣೆ: ಎಂಜಿಪಿ ಸ್ಪರ್ಧೆ

ಪಣಜಿ : ಗೋವೆಯಲ್ಲಿ ಆಳುವ ಬಿಜೆಪಿಯ ಮಿತ್ರ ಪಕ್ಷವಾಗಿರುವ ಮಹಾರಾಷ್ಟ್ರವಾದಿ ಗೋಮಾಂತಕ ಪಕ್ಷ (ಎಂಜಿಪಿ) ರಾಜ್ಯದಲ್ಲಿ  ಮುಂದಿನ ತಿಂಗಳಲ್ಲಿ ನಡೆಯಲಿರುವ ಎಲ್ಲ ಮೂರು ವಿಧಾನಸಭಾ ಉಪ ಚುನಾವಣೆಗಳಲ್ಲಿ ತಾನು ಸ್ಪರ್ಧಿಸುವುದಾಗಿ ಹೇಳಿದೆ. 

ಶಿರೋಡ, ಮಾಂಡ್ರೆಮ್‌ ಮತ್ತು ಮಾಪುಸಾ ವಿಧಾನಸಭಾ ಕ್ಷೇತ್ರಗಳಿಗೆ ನಡೆಯುವ ಚುನಾವಣೆ, ಲೋಕಸಭಾ ಚುನಾವಣೆಯ ಜತೆಗೇ ಎ.23ರಂದು ನಡೆಯಲಿದ್ದು  ಆಳುವ ಬಿಜೆಪಿಗೆ ತನ್ನದೇ ಮಿತ್ರ ಪಕ್ಷದ ಎದುರು ಸೆಣಸುವ ಸ್ಥಿತಿ ಒದಗಿದಂತಾಗಿದೆ. 

ಗೋವೆಯಲ್ಲಿನ ಮನೋಹರ್‌ ಪಾರೀಕರ್‌ ನೇತೃತ್ವದ ಸಮ್ಮಿಶ್ರ ಸರಕಾರದಲ್ಲಿ ಎಂಜಿಪಿ ಮತ್ತು ಗೋವಾ ಫಾರ್ವರ್ಡ್‌ ಪಾರ್ಟಿ (ಜಿಎಫ್ಪಿ) ಮಿತ್ರ ಪಕ್ಷಗಳಾಗಿವೆ.