BJP ಸ್ತ್ರೀಯರನ್ನು ದ್ವಿತೀಯ ದರ್ಜೆ ನಾಗರಿಕರಂತೆ ಕಾಣುತ್ತಿದೆ :ರಾಹುಲ್‌

ಹೊಸದಿಲ್ಲಿ: ಬಿಜೆಪಿ ಮಹಿಳೆಯರನ್ನು ದ್ವಿತೀಯ ದರ್ಜೆ ನಾಗರಿಕರು ಎಂದು ನಂಬುತ್ತದೆ ಮತ್ತು ಆರ್‌ಎಸ್‌ಎಸ್‌ ಮಹಿಳೆಯರನ್ನು ತನ್ನ ಶಾಖೆಗಳಲ್ಲಿ ಪ್ರವೇಶಿಸಲು ಅನುಮತಿಸಲ್ಲ ಎಂದು ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿ ಆರೋಪಿಸಿದ್ದಾರೆ.

ಕಾಂಗ್ರೆಸ್‌ನ ಉದಿತ್‌ ರಾಜ್‌ ಪರ ಪ್ರಚಾರಕ್ಕಾಗಿ ದಿಲ್ಲಿಯ ಮಂಗೋಲ್‌ಪುರಿಯಲ್ಲಿ ಆಯೋಜಿಸಲಾಗಿದ್ದ ಸಭೆಯಲ್ಲಿ ಪಾಲ್ಗೊಂಡ ರಾಹುಲ್‌, “ಬಹಳ ಆಡಂ ಬರದಿಂದ ಎಲ್ಲೆಡೆ ಪ್ರದರ್ಶಿಸಿ ಮಹಿಳಾ ಮೀಸಲಾತಿ ಕಾಯ್ದೆಯನ್ನು ಅಂಗೀಕರಿಸಿದ ಬಿಜೆಪಿ, ಅನಂತರ ಕಾಯ್ದೆಯನ್ನು 10 ವರ್ಷಗಳ ಬಳಿಕ ಜಾರಿಗೊಳಿಸಲಾಗುವುದು ಎಂದಿತು’ ಎಂದು ಟೀಕಿಸಿದ್ದಾರೆ. ಜತೆಗೆ, ಬಿಜೆಪಿ ಸಂವಿಧಾನವನ್ನು ಹರಿದು ಬಿಸಾಕಲು ಉದ್ದೇಶಿಸಿದೆ. ಈ ಚುನಾವಣೆಯು ಅದನ್ನು ರಕ್ಷಿಸಲು ನಮಗೆ ಸಿಕ್ಕಿರುವ ಅವಕಾಶ ಎಂದಿದ್ದಾರೆ.