ಗಿಲ್‌ಗಿಟ್‌,ಪಿಓಕೆಗೆ ಸಂಸತ್ತಿನಲ್ಲಿ 5 ಸ್ಥಾನ ಮೀಸಲಿಗೆ ಬಿಜೆಪಿ ಸಂಸದ

ಹೊಸದಿಲ್ಲಿ : ಗಿಲ್‌ಗಿಟ್‌ ಮತ್ತು ಪಾಕ್‌ ಆಕ್ರಮಿತ ಕಾಶ್ಮೀರ (ಪಿಓಕೆ) ಪ್ರಾಂತ್ಯದ ನಿವಾಸಿಗಳಿಗೆ ಲೋಕಸಭೆಯಲ್ಲಿ ನಾಲ್ಕು ಮತ್ತು ರಾಜ್ಯಸಭೆಯಲ್ಲಿ ಒಂದು ಸ್ಥಾನವನ್ನು ಮೀಸಲಿಡಬೇಕು ಎಂದು ಬಿಜೆಪಿ ಸಂಸದರೋರ್ವರು ಆಗ್ರಹಿಸಿದ್ದಾರೆ.

ಪಾಕಿಸ್ಥಾನವು ಕಾನೂನು ಬಾಹಿರವಾಗಿ ತನ್ನ ವಶದಲ್ಲಿ ಇರಿಸಿಕೊಂಡಿರುವ ಪ್ರದೇಶಗಳಿಗಾಗಿರುವ 25 ಸೀಟುಗಳು ಜಮ್ಮು ಕಾಶ್ಮೀರ ವಿಧಾನಸಭೆಯಲ್ಲಿ ಖಾಲಿ ಇವೆ ಎಂದು ನಿಶಿಕಾಂತ್‌ ದುಬೆ ಅವರು ಹೇಳಿದರು. 

ಗಿಲ್‌ಗಿಟ್‌ ಮತ್ತು ಪಿಓಕೆಯಿಂದ ಬರುವ ಜನರಿಗೆ ಭಾರತೀಯ ಪೌರತ್ವ ನೀಡುವ ಬಗ್ಗೆ ಸರಕಾರ ಅನುಕಂಪದ ದೃಷ್ಟಿಕೋನವನ್ನು ಹೊಂದಬೇಕು ಎಂದು ದುಬೆ ಒತ್ತಾಯಿಸಿದರು.