ಬಿಐಎಸ್‌ ಗುರುತಿಲ್ಲದ 18,600 ಆಟಿಕೆ ವಶಪಡಿಸಿಕೊಂಡ ಕೇಂದ್ರ

ನವದೆಹಲಿ: ದೇಶದ ಪ್ರಮುಖ ಮಾರಾಟ ಮಳಿಗೆಗಳಿಂದ 18,600 ಆಟಿಕೆಗಳನ್ನು ಕೇಂದ್ರ ಸರ್ಕಾರ ವಶಪಡಿಸಿಕೊಂಡಿದೆ.

ಬಿಐಎಸ್‌ (ಬ್ಯೂರೊ ಆಫ್ ಇಂಡಿಯನ್‌ ಸ್ಟಾಂಡರ್ಡ್ಸ್ ) ಗುರುತು ಇಲ್ಲದ ಹಿನ್ನೆಲೆಯಲ್ಲಿ ವಿವಿಧ ವಿಮಾನ ನಿಲ್ದಾಣಗಳಲ್ಲಿರುವ ಹಲವು ಮಳಿಗೆಗಳಿಂದ ಆಟಿಕೆಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಇದೇ ವೇಳೆ ಆನ್‌ಲೈನ್‌ ವಾಣಿಜ್ಯ ತಾಣಗಳಿಗೆ ಸಿಸಿಪಿಎ (ಗ್ರಾಹಕ ಹಿತರಕ್ಷಣಾ ನಿಯಂತ್ರಣ ಸಂಸ್ಥೆ) ನೋಟಿಸ್‌ ಕಳುಹಿಸಿ, ಗುಣಮಟ್ಟ ತಗ್ಗಿರುವ ಬಗ್ಗೆ ಎಚ್ಚರಿಕೆ ನೀಡಿದೆ.

2021, ಜ.1ರಿಂದ ಕೇಂದ್ರ ಸರ್ಕಾರ ಬಿಐಎಸ್‌ ನಿರ್ಧರಿಸಿರುವ ಗುಣಮಟ್ಟವನ್ನು ಆಟಿಕೆಗಳು ಹೊಂದಲೇಬೇಕೆಂದು ಆದೇಶ ನೀಡಿದೆ. ಈ ಹಿನ್ನೆಲೆಯಲ್ಲಿ ದೇಶೀಯ ಆಟಿಕೆ ಉತ್ಪಾದಕರು ನೀಡಿರುವ ದೂರುಗಳನ್ನು ಆಧರಿಸಿ ದಾಳಿ ಮಾಡಲಾಗಿದೆ ಎಂದು ಬಿಐಎಸ್‌ ತಿಳಿಸಿದೆ.