ಈ ಪಕ್ಷಿ ಅರ್ಧ ಗಂಡು, ಅರ್ಧ ಹೆಣ್ಣು!

ವಾಷಿಂಗ್ಟನ್‌: ಅರ್ಧನಾರೀಶ್ವರನ ಅವತಾರ ಕೇಳಿದ್ದೇವೆ. ಇಲ್ಲೊಂದು ಪಕ್ಷಿ ಕೂಡ ಅರ್ಧ ಗಂಡು, ಅರ್ಧ ಹೆಣ್ಣು! ಜೀವವಿಜ್ಞಾನಿಗಳಿಗೆ ವಿಸ್ಮಯ ಹುಟ್ಟಿಸಿದ ಅಪರೂಪದ ದ್ವಿಲಿಂಗಿ ಪಕ್ಷಿಯೊಂದು ಅಮೆರಿಕದ ಪೆನ್ಸಿಲ್ವೇನಿಯಾದಲ್ಲಿ ಕಂಡ ುಬಂದಿದೆ. ಅರ್ಧ ಗಂಡು, ಅರ್ಧ ಹೆಣ್ಣಿನ ಪುಕ್ಕ ರಚನೆಗಳನ್ನು ಇದು ಒಳಗೊಂಡಿದೆ.

ಇದೇಕೆ ದ್ವಿಲಿಂಗಿ?: “ರಕ್ತಪರೀಕ್ಷೆಯ ಫ‌ಲಿತಾಂಶವಿಲ್ಲದೆ ಪಕ್ಷಿಯನ್ನು ಈಗಲೇ ದ್ವಿಲಿಂಗಿ ಎನ್ನಲಾಗದು. ಆದರೆ, ದ್ವಿಲಿಂಗಿ ಅಂಗಾಂಶದ ರಚನೆಗಳನ್ನು ಇದು ತನ್ನ ಶರೀರದಲ್ಲಿ ಹಲವೆಡೆ ಹೊಂದಿದೆ. ಗುಲಾಬಿ ಬಣ್ಣದ ಎದೆಭಾಗ ಕೇವಲ ಹೆಣ್ಣು ಪಕ್ಷಿಗಳ ಲ್ಲಷ್ಟೇ ಕಾಣಲು ಸಾಧ್ಯ. ಆದರೆ ಇದರ ಉಳಿದ ಭಾಗದ ರಚನೆಗಳು ಗಂಡುಪಕ್ಷಿ ಯಂತಿವೆ. ರೆಕ್ಕೆಗಳ ಹಿಂಭಾಗ ಮತ್ತು ಬಾಲದಲ್ಲೂ ದ್ವಿಲಿಂಗಿ ಲಕ್ಷಣಗಳಿವೆ. ಬಾಲದ ಎಡಭಾಗ ಕಂದುನೇರಳೆ ಬಣ್ಣದಲ್ಲಿದ್ದು, ಬಲಭಾಗ ಕಪ್ಪು ವರ್ಣರಚನೆ ಹೊಂದಿದೆ.

ಪೌಡರ್‌ಮಿಲ್‌ ಏವಿಯನ್‌ ರಿಸರ್ಚ್‌ ಸೆಂಟರ್‌ನ ಪಕ್ಷಿತಜ್ಞರು 1962ರಿಂದ ಪ್ರತಿ ವರ್ಷ 13 ಸಾವಿರ ಪಕ್ಷಿಗಳ ಅಧ್ಯಯನ  ನಡೆಸುತ್ತಾ ಬಂದಿದ್ದಾರೆ. ಲಕ್ಷದಲ್ಲಿ 10 ಪಕ್ಷಿಗಳು ಇಂಥ ಅಪರೂಪದ ದ್ವಿಲಿಂಗಿ ಲಕ್ಷಣಗಳನ್ನು ಹೊಂದಿರುತ್ತವೆ ಎಂದು ತಜ್ಞರು ಹೇಳಿದ್ದಾರೆ.