ಅನುದಾನಿತ ಕಾಲೇಜಿನಲ್ಲೂ ಬಯೋ ಮೆಟ್ರಿಕ್‌ ಕಡ್ಡಾಯ

ಬೆಂಗಳೂರು: ಸರ್ಕಾರಿ ಪದವಿ ಕಾಲೇಜಿನಲ್ಲಿ ಬಯೋ ಮೆಟ್ರಿಕ್‌ ಕಡ್ಡಾಯ ಮಾಡಿದ್ದ ಸರ್ಕಾರ ಈಗ ಅನುದಾನಿತ ಪದವಿ ಕಾಲೇಜಿನಲ್ಲೂ ಬಯೋ ಮೆಟ್ರಿಕ್‌ ಕಡ್ಡಾಯ ಮಾಡಿದೆ. ಅಧಿಕಾರಿಗಳ, ಪ್ರಾಧ್ಯಾಪಕರ ಹಾಜರಾತಿಯಲ್ಲಿ ಏರುಪೇರು, ಕಾರ್ಯ
ನಿರ್ವಹಣೆಯಲ್ಲಿ, ಸಮಯಪಾಲನೆ, ಶಿಸ್ತಿನ ಕೊರತೆ ಕಂಡುಬಂದಿರುವ ಹಿನ್ನೆಲೆಯಲ್ಲಿ ರಾಜ್ಯದ ಎಲ್ಲಾ ಸರ್ಕಾರಿ ಕಚೇರಿ, ಕಾಲೇಜಿನಲ್ಲೂ ಬಯೋ ಮೆಟ್ರಿಕ್ ಹಾಜರಾತಿ ವ್ಯವಸ್ಥೆಯನ್ನು ಕಡ್ಡಾಯ ಮಾಡಲಾಗಿತ್ತು.

ಅದರಂತೆ ರಾಜ್ಯ ಸರ್ಕಾರಿ ಪದವಿ ಕಾಲೇಜಿನಲ್ಲೂ ಬಯೋ ಮೆಟ್ರಿಕ್‌ ಅಳವಡಿಸಿಕೊಳ್ಳಲಾಗಿದೆ. ಆದರೆ ಇಲಾಖಾ ವ್ಯಾಪ್ತಿಯಲ್ಲೇ ಬರುವ ಅನುದಾನಿತ ಕಾಲೇಜುಗಳಲ್ಲಿ ಬಯೋ ಮೆಟ್ರಿಕ್‌ ಅಳವಡಿಸಿರಲಿಲ್ಲ. ಹಾಗಾಗಿ ಸರ್ಕಾರಿ ಅನುದಾನಿತ ಕಾಲೇಜುಗಳಲ್ಲೂ ತಕ್ಷಣವೇ ಬಯೋ ಮೆಟ್ರಿಕ್‌ ಅಳವಡಿಸಿಕೊಳ್ಳಲು ಸರ್ಕಾರ ಆಡಳಿತ ಮಂಡಳಿಗಳಿಗೆ ಸೂಚಿಸಿದೆ. ಸೆ.1ರೊಳಗೆ ಬಯೋ ಮೆಟ್ರಿಕ್‌ ಅಳವಡಿಸಿ
ಕೊಂಡು, ವರದಿ ಸಲ್ಲಿಸುವಂತೆ ಖಾಸಗಿ ಅನುದಾನಿತ ಕಾಲೇಜು ಆಡಳಿತ ಮಂಡಳಿಗೆ ನಿರ್ದೇಶಿಸಲಾಗಿದೆ.