ಬಿಲ್ಕಿಸ್‌ ಬಾನೋ ಕೇಸ್‌ : ಗುಜರಾತ್‌ ಸರಕಾರಕ್ಕೆ ಸುಪ್ರೀಂ ಕೋರ್ಟ್‌ ಚಾಟಿ

ಹೊಸದಿಲ್ಲಿ : ಬಿಲ್ಕಿಸ್‌ ಬಾನೋ ಕೇಸಿನಲ್ಲಿ ಗುಜರಾತ್‌ ಹೈಕೋರ್ಟ್‌ 2002ರಲ್ಲಿ ದೋಷಿಗಳೆಂದು ತೀರ್ಪಿತ್ತ ಪೊಲೀಸ್‌ ಅಧಿಕಾರಿಗಳ ವಿರುದ್ಧದ ಶಿಸ್ತು ಕ್ರಮವನ್ನು ಈ ಕೂಡಲೇ ಪೂರ್ಣಗೊಳಿಸಬೇಕು ಎಂದು ಸುಪ್ರೀಂ ಕೋರ್ಟ್‌ ಇಂದು ಶುಕ್ರವಾರ ಗುಜರಾತ ಸರಕಾರಕ್ಕೆ ಆದೇಶಿಸಿದೆ.

ವರಿಷ್ಠ ನ್ಯಾಯಮೂರ್ತಿ ರಂಜನ್‌ ಗೊಗೊಯ್‌ ನೇತೃತದ ಸುಪ್ರೀಂ ಪೀಠ, ಹೆಚ್ಚಿನ ಪರಿಹಾರ ಕೋರಿರುವ ಬಾನೋ ಮನವಿಯನ್ನು ತಾನು ಎ.23ರಂದು ವಿಚಾರಣೆಗೆ ಎತ್ತಿಕೊಳ್ಳಲಿದ್ದೇನೆ ಎಂದು ಹೇಳಿತು.

ಗುಜರಾತ್‌ ಸರಕಾರ ಕೊಡುವುದಾಗಿ ಹೇಳಿರುವ ಐದು ಲಕ್ಷ ರೂ. ಪರಿಹಾರವನ್ನು ಬಿಲ್ಕಿಸ್‌ ಬಾನೋ ಅವರು ಸುಪ್ರೀಂ ಪೀಠದ ಮುಂದೆ ತಿರಸ್ಕರಿಸಿದ್ದಾರೆ.  ಮೂವರು ಸದಸ್ಯರ ಈ ಪೀಠದಲ್ಲಿ ಇರುವ ಇತರಿಬ್ಬರು ನ್ಯಾಯಮೂರ್ತಿಗಳೆಂದರೆ ಜಸ್ಟಿಸ್ಟ್‌ ದೀಪಕ್‌ ಗುಪ್ತಾ ಮತ್ತು ಜಸ್ಟಿಸ್‌ ಸಂಜೀವ್‌ ಖನ್ನಾ.