ಬಿಲಾಲ್‌ ಇರ್ಷಾದ್‌ ದಾಖಲೆ: 175 ಎಸೆತಕ್ಕೆ ಅಜೇಯ 320 ರನ್‌!

ಲಾಹೋರ್‌: ಸದಾ ವಿವಾದದಲ್ಲಿರುವ ಪಾಕಿಸ್ಥಾನ ಕ್ರಿಕೆಟ್‌ನಲ್ಲಿ ಅಪರೂಪಕ್ಕೊಂದು ಎಂಬಂತೆ ಸಾಧನೆ ಕೂಡ ಬೆಳಕಿಗೆ ಬರುತ್ತದೆ. 

ಇಂಥ ಐತಿಹಾಸಿಕ ಸಾಧನೆಯೊಂದನ್ನು ಪಾಕ್‌ನ ಕ್ಲಬ್‌ನ ಆಟಗಾರನೊಬ್ಬ ಮಾಡಿದ್ದಾನೆ. ಈತನ ಹೆಸರು ಬಿಲಾಲ್‌ ಇರ್ಷಾದ್‌. ವಯಸ್ಸು 26. ಈತ ಪಿಸಿಬಿ ಫ‌ಜಲ್‌ ಮೊಹಮ್ಮದ್‌ ಅಂತರ್‌ ಕ್ಲಬ್‌ ಕ್ರಿಕೆಟ್‌ 50 ಓವರ್‌ ಪಂದ್ಯವೊಂದರಲ್ಲಿ ಅಜೇಯ 320 ರನ್‌ ಸಿಡಿಸಿದ್ದಾನೆ. ಶಾಹೀದ್‌ ಅಲಮ್‌ ಬಕ್ಸ್‌ ಕ್ರಿಕೆಟ್‌ ಕ್ಲಬ್‌ ಪರ ಇನಿಂಗ್ಸ್‌ ಆರಂಭಿಸಿದ ಈತ ಕೇವಲ 175  ಎಸೆತದಿಂದ ಬರೋಬ್ಬರಿ 320 ರನ್‌ ಚಚ್ಚಿದ್ದಾನೆ. ಇದರಲ್ಲಿ 9 ಸಿಕ್ಸರ್‌, 42 ಬೌಂಡರಿ ಒಳಗೊಂಡಿದೆ.