ಬಿಗ್ ಬಾಸ್ ಪುನಾರಂಭಕ್ಕೆ ಮುಹೂರ್ತ್ ಫಿಕ್ಸ್

ಬೆಂಗಳೂರು: ಲಾಕ್ ಡೌನ್ ಬಳಿಕ ಬಿಗ್ ಬಾಸ್ ಕನ್ನಡ 8 ನೇ ಆವೃತ್ತಿಯ ಮುಂದುವರಿದ ಭಾಗ ಆರಂಭವಾಗುತ್ತಿದೆ. ಇದೇ ಬುಧವಾರದಿಂದ ಸಂಜೆ 6 ರಿಂದ ಹೊಸ ಸಂಚಿಕೆಯ ಪ್ರಸಾರ ಆರಂಭವಾಗಲಿದೆ.

ಬಿಗ್ ಬಾಸ್ ಸೀಸನ್ ನ್ನು ಅರ್ಧಕ್ಕೆ ಸ್ಥಗಿತಗೊಳಿಸಿದಾಗ ಅದನ್ನು ವೀಕ್ಷಿಸುತ್ತಿದ್ದ ಅಭಿಮಾನಿಗಳಿಗೆ ಮತ್ತು ಮನೆಯೊಳಗಿದ್ದ 12 ಮಂದಿ ಸ್ಪರ್ಧಿಗಳಿಗೆ ಬೇಸರವಾಗಿತ್ತು. ಇದೀಗ ಕೊರೋನಾ ಸೋಂಕಿನ ಎರಡನೇ ಅಲೆ ಕಡಿಮೆಯಾಗಿ ಸರ್ಕಾರ ನಿರ್ಬಂಧವನ್ನು ಸಡಿಲಗೊಳಿಸುತ್ತಿದ್ದಂತೆ ಕಲರ್ಸ್ ಕನ್ನಡ ವಾಹಿನಿ ರಿಯಾಲಿಟಿ ಶೋವನ್ನು ಮತ್ತೆ ಆರಂಭಿಸುತ್ತಿದೆ. ಇದನ್ನು ಎರಡನೇ ಇನ್ಸಿಂಗ್ಸ್ ಎಂದು ವಾಹಿನಿ ಕರೆದಿದೆ.

ಬಿಗ್ ಬಾಸ್ ಅರ್ಧಕ್ಕೇ ನಿಲ್ಲುತ್ತಿದೆ ಎಂದಾಗ ಸ್ಪರ್ಧಿಗಳು ತೀವ್ರ ನಿರಾಸೆಯಾಗಿದ್ದರು. ಇದೀಗ ಮತ್ತೆ ಅದೇ ಸ್ಪರ್ಧಿಗಳು ಮರಳಿ ದೊಡ್ಮನೆಗೆ ಎಂಟ್ರಿ ಕೊಡುತ್ತಿದ್ದಾರೆ. ಮೊದಲ ಮಹಾಸಂಚಿಕೆ ಬುಧವಾರ ಪ್ರಸಾರವಾಗಲಿದೆ.

ಬಿಗ್ ಬಾಸ್ ಕೊನೆಯ ಸಂಚಿಕೆಗಳಲ್ಲಿ ಕೊರೋನಾದಿಂದಾಗಿ ಕಿಚ್ಚ ಸುದೀಪ್ ಕೂಡಾ ಭಾಗವಹಿಸಿರಲಿಲ್ಲ. ಈಗ ಸುದೀಪ್ ಕೂಡಾ ಶೋಗೆ ಕಮ್ ಬ್ಯಾಕ್ ಮಾಡುತ್ತಿದ್ದಾರೆ.