Advertisement
ಕಾರ್ಯಕ್ರಮ ಆರಂಭಕ್ಕೆ ಕೆಲವೇ ದಿನಗಳು ಬಾಕಿ ಇರುವುದರಿಂದ ಕೆಲವರ ಹೆಸರುಗಳು ಕೇಳಿ ಬರುತ್ತಿದೆ. ಇಲ್ಲಿದೆ ಆ ಪಟ್ಟಿ..
Related Articles
Advertisement
ಮಿಸ್ ಸುಪ್ರಾನ್ಯಾಷನಲ್ 2014 ಸ್ಪರ್ಧೆಯ ವಿಜೇತೆಯಾಗಿ, 2019 ರಲ್ಲಿ ಬಿಡುಗಡೆಯಾದ ಬಾಲಿವುಡ್‌ ನ ವಿದ್ಯುತ್ ಜಮ್ವಾಲ್ ಅಭಿನಯದ ʼಜಂಗ್ಲಿʼ ಸಿನಿಮಾದ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟರು.
ರಂಜನಿ ರಾಘವನ್: ಮನೆ ಮನಗಳಲ್ಲಿ ʼಕನ್ನಡತಿʼಯಾಗಿ ಮಿಂಚಿದ ರಂಜನಿ ರಾಘವನ್ ಅವರ ಹೆಸರು ಕೂಡ ಈ ಬಾರಿಯ ಬಿಗ್ ಬಾಸ್ ಸ್ಪರ್ಧಿ ಪಟ್ಟಿಯಲ್ಲಿ ಕೇಳಿ ಬರುತ್ತಿದೆ. ಲೇಖಕಿಯೂ ಆಗಿರುವ ಅವರು ಜನರಿಗೆ ಕಿರುತೆರೆಯಿಂದ ಹೆಚ್ಚು ಪರಿಚಯಸ್ಥರು.
ರಾಘವೇಂದ್ರ: ಇನ್ನು ಕಿರುತೆರೆಯಲ್ಲಿ ಮಿಂಚಿ, ಹಾಸ್ಯದಿಂದ ಮನಗೆದ್ದಿರುವ ರಾಘವೇಂದ್ರ ಅವರು ಕೂಡ ಬಿಗ್ ಬಾಸ್ ಮನೆಗೆ ಸ್ಪರ್ಧಿಯಾಗಿ ಬರಲಿದ್ದಾರೆ ಎನ್ನಲಾಗುತ್ತಿದೆ. ರಿಯಾಲಿಟಿ ಶೋ ಪ್ರಿಮಿಯರ್‌ ನಲ್ಲಿ ಮಿಂಚಿದ ಅವರು ಅಂದಿನಿಂದ ಪ್ರೇಕ್ಷಕರನ್ನು ತನ್ನ ಹಾಸ್ಯದಿಂದಲೇ ರಂಜಿಸುತ್ತಲೇ ಬಂದಿದ್ದಾರೆ.
ಚಂದ್ರಪ್ರಭಾ: ʼಮಜಾಭಾರತʼ ಮೂಲಕ ನಕ್ಕು ನಗಿಸಿದ ಕಲಾವಿದ ಚಂದ್ರಪ್ರಭಾ ಕಳೆದ ಕೆಲ ದಿನಗಳ ಹಿಂದೆ ಅಪಘಾತ ಪ್ರಕರಣವೊಂದರಲ್ಲಿ ಸುದ್ದಿಯಾಗಿದ್ದರು. ರಿಯಾಲಿಟಿ ಶೋ ಮೂಲಕ ಪ್ರೇಕ್ಷಕರ ಪ್ರಭುಗಳ ಪ್ರೀತಿಯನ್ನು ಸಂಪಾದಿಸಿರುವ ಚಂದ್ರಪ್ರಭಾ ಬಿಗ್ ಬಾಸ್ ಮನೆಗೆ ಎಂಟ್ರಿ ಆಗುತ್ತಾರೆ ಎನ್ನಲಾಗುತ್ತಿದೆ.
ವಿನಯ್‌ ಕುಮಾರ್: ಇನ್ನು ಕರ್ನಾಟಕದ ಮಾಜಿ ಕ್ರಿಕೆಟಿಗ, ಟೀಮ್‌ ಇಂಡಿಯಾದಲ್ಲೂ ಗುರುತಿಸಿಕೊಂಡಿದ್ದ ದಾವಣಗೆರೆ ಎಕ್ಸ್‌ ಪ್ರೆಸ್‌ ವಿನಯ್‌ ಕುಮಾರ್ ಅವರು ಈ ಬಾರಿಯ ಬಿಗ್ ಬಾಸ್ ಕಾರ್ಯಕ್ರಮದಲ್ಲಿ ಸ್ಪರ್ಧಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನುವ ಮಾತುಗಳು ಕೇಳಿ ಬರುತ್ತಿದೆ.
ಮಿಮಿಕ್ರಿ ಗೋಪಿ: ತನ್ನ ವಿಶಿಷ್ಯ ಮಿಮಿಕ್ರಿ ಹಾಗೂ ಹಾಸ್ಯ ಪ್ರವೃತ್ತಿಯಿಂದಲೇ ಕಿರುತೆರೆ ಲೋಕದಲ್ಲಿ ಮಿಂಚಿರುವ ಮಿಮಿಕ್ರಿ ಗೋಪಿ ಅವರು ಬಿಗ್ ಬಾಸ್ ಮನೆಯೊಳಗೆ ಕಾಲಿಡಲಿದ್ದಾರೆ ಎನ್ನಲಾಗುತ್ತಿದೆ. ನಟನಾಗಿಯೂ ಗೋಪಿ ಗುರುತಿಸಿಕೊಂಡಿದ್ದಾರೆ. 9ನೇ ಸೀಸನ್‌ ನಲ್ಲೂ ಅವರ ಹೆಸರು ಕೇಳಿ ಬಂದಿತ್ತು.
ಇವರು ಮಾತ್ರವಲ್ಲದೆ ಪತ್ರಕರ್ತ ಹರೀಶ್‌ ನಾಗರಾಜ್‌,ಬುಲೆಟ್‌ ಪ್ರಕಾಶ್‌ ಮಗ ರಕ್ಷಕ್‌, ʼಗೀತಾʼ ಧಾರಾವಾಹಿ ಖ್ಯಾತಿಯ ಭವ್ಯಾ ಗೌಡ, ಕಿರುತೆರೆ ನಟಿ ಸುಕೃತಾ ನಾಗ್, ನಟ ರಾಜೇಶ್‌ ಧ್ರುವ,ಕಿರುತೆರೆ ನಟ ನಿನಾದ ಹರಿತ್ಸಾ, ಪುಟ್ಟ ಗೌರಿ ಮದುಗವೆ ಹಾಗೂ ನಾಗಿನಿ -2 ಖ್ಯಾತಿ ನಮ್ರತಾ ಗೌಡ ಸೇರಿದಂತೆ ಇನ್ನು ಹಲವರ ಹೆಸರು ಸ್ಪರ್ಧಿಗಳ ಪಟ್ಟಿಯಲ್ಲಿ ಕೇಳಿ ಬರುತ್ತಿದೆ.
ಆದರೆ ಕಾರ್ಯಕ್ರಮದ ಆರಂಭದವರೆಗೆ ಇದು ಯಾವುದು ಕೂಡ ಅಂತಿಮವಲ್ಲ.