ಕೊರೊನಾಗೆ ನೇಸಲ್‌ ಸ್ಪ್ರೇ ಪರಿಣಾಮಕಾರಿ

ನವದೆಹಲಿ: ಭಾರತದಲ್ಲಿ ಹೈರಿಸ್ಕ್ ವಯಸ್ಕ ಕೊರೊನಾ ರೋಗಿಗೆ ನೇಸಲ್‌ ಸ್ಪ್ರೇ (ಮೂಗಿನ ಮೂಲಕ ಹಾಕುವ ಸ್ಪ್ರೇ) ಹಾಕಿದ ಕೇವಲ 24 ಗಂಟೆಗಳಲ್ಲಿ ಅವರ ದೇಹದಲ್ಲಿದ್ದ ವೈರಲ್‌ ಲೋಡ್‌ ಶೇ.94ರಷ್ಟು ತಗ್ಗಿದೆ. 48 ಗಂಟೆಗಳಲ್ಲಿ ಅದು ಶೇ.99ರಷ್ಟು ತಗ್ಗಿದೆ ಎಂದು ದಿ ಲ್ಯಾನ್ಸೆಟ್‌ ಅಧ್ಯಯನ ವರದಿ ಹೇಳಿದೆ.

ನೈಟ್ರಿಕ್‌ ಆಕ್ಸೈಡ್‌ ನೇಸಲ್‌ ಸ್ಪ್ರೇ (ಎನ್‌ಒಎನ್‌ಎಸ್‌)ಯ ಮೂರನೇ ಹಂತದ ಪ್ರಯೋಗದ ಫ‌ಲಿತಾಂಶಗಳನ್ನು ಲ್ಯಾನ್ಸೆಟ್‌ ಜರ್ನಲ್‌ನಲ್ಲಿ ಪ್ರಕಟಿಸಲಾಗಿದೆ.

ಭಾರತದ 306 ಮಂದಿ ಲಸಿಕೆ ಪಡೆದಿರುವ ಮತ್ತು ಪಡೆಯದೇ ಇರುವ ಕೊರೊನಾ ಸೋಂಕಿತ ವಯಸ್ಕರ ಮೇಲೆ ಈ ನೇಸಲ್‌ ಸ್ಪ್ರೇ ಪ್ರಯೋಗ ನಡೆಸಲಾಗಿತ್ತು. ಮುಂಬೈ ಮೂಲದ ಫಾರ್ಮಾ ಕಂಪನಿ ಗ್ಲೆನ್‌ಮಾರ್ಕ್‌ ಈ ಅಧ್ಯಯನ ಕೈಗೊಂಡಿತ್ತು. 7 ದಿನಗಳ ಕಾಲ ಮೂಗಿನ ಮೂಲಕ ಸ್ಪ್ರೇ ಹಾಕಲಾಗಿತ್ತು. ಹಾಕಿದ ಕೇವಲ 24 ಗಂಟೆಗಳಲ್ಲೇ ಅತ್ಯುತ್ತಮ ಫ‌ಲಿತಾಂಶ ನೀಡಿದೆ ಎಂದು ವರದಿ ಹೇಳಿದೆ.