ಬೀದರ್ ಜಿಲ್ಲೆಯಲ್ಲಿ ಇಂದು 46 ಮಂದಿ ಗುಣಮುಖ! 38 ಹೊಸ ಪ್ರಕರಣ ಪತ್ತೆ

ಬೀದರ್ : ಹೆಮ್ಮಾರಿ ಕೋವಿಡ್ ಸೋಂಕಿನ ಆರ್ಭಟ ರವಿವಾರದ ಕೊಂಚ ಮಟ್ಟಿಗೆ ತಗ್ಗಿದ್ದು, 38 ಹೊಸ ಪಾಸಿಟಿವ್ ಪ್ರಕರಣಗಳು ವರದಿಯಾಗಿವೆ. ಇದರೊಂದಿಗೆ ಜಿಲ್ಲೆಯಲ್ಲಿ ಸೋಂಕಿತರ ಕೇಸ್‌ಗಳು 4069ಕ್ಕೆ ಏರಿಕೆ ಆಗಿದೆ.

ಬೀದರ್ ನಗರ ತಾಲೂಕಿನಲ್ಲಿ 10 ಜನರಿಗೆ, ಭಾಲ್ಕಿ ತಾಲೂಕಿನ 9 ಮಂದಿ, ಔರಾದ- ಕಮಲನಗರ ತಾಲೂಕಿನ 8 ಜನರಿಗೆ, ಬಸವಕಲ್ಯಾಣ – ಹುಲಸೂರು ತಾಲೂಕಿನ 8 ಮಂದಿ, ಮತ್ತು ಹುಮನಾಬಾದ- ಚಿಟಗುಪ್ಪ ತಾಲೂಕಿನ 3 ಜನರಿಗೆ ಸೋಂಕು ತಗಲಿದೆ.

ಹೊಸ ಪ್ರಕರಣಗಳು ಸೇರಿ ಜಿಲೆಯಲ್ಲಿ ಈವರಗೆ ಸೋಂಕಿತರ ಸಂಖ್ಯೆ 4069ಕ್ಕೆ ಏರಿಕೆಯಾಗಿದೆ. ಈ ಪೈಕಿ 127 ಸೋಂಕಿತರು ಸಾವನ್ನಪ್ಪಿದ್ದರೆ, ರವಿವಾರ 46 ಜನ ಸೇರಿ ಈವರೆಗೆ 3192 ಮಂದಿ ಕೋವಿಡ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಬಿಡುಗಡೆ ಆಗಿದ್ದಾರೆ. ಇನ್ನೂ 746 ಸಕ್ರೀಯ ಪ್ರಕರಣಗಳಿವೆ. ಜಿಲ್ಲೆಯ ಒಟ್ಟು 60,322 ಜನರ ಗಂಟಲ ಮಾದರಿ ತಪಾಸಣೆ ಮಾಡಲಾಗಿದ್ದು, ಈ ಪೈಕಿ 55,734 ಜನರದ್ದು ನೆಗೆಟಿವ್ ಬಂದಿದೆ. ಇನ್ನೂ 519 ಜನರ ವರದಿ ಬರುವುದು ಬಾಕಿ ಇದೆ.

ಇನ್ನೂ ಶನಿವಾರ ವೈರಸ್‌ನಿಂದ ನಾಲ್ವರು ಮೃತಪಟ್ಟಿದ್ದು, 82 ವೈರಾಣು ಪ್ರಕರಣಗಳು ವರದಿಯಾಗಿದ್ದವು. ಹುಮನಾಬಾದ ತಾಲೂಕಿನ ಹಂದಿಕೇರಾ ಗ್ರಾಮದ 33 ವರ್ಷದ ಯುವಕ, ಬಸವಕಲ್ಯಾಣ ತಾಲೂಕಿನ ತ್ರಿಪರಾಂತದ 65 ವರ್ಷದ ವ್ಯಕ್ತಿ, ಹುಲಸೂರು ಪಟ್ಟಣದ 70 ವರ್ಷದ ವೃದ್ಧ ಹಾಗೂ ನೆರೆಯ ತೆಲಂಗಾಣದ ಜಹೀರಾವಾದ್‌ನ 58 ವರ್ಷದ ವ್ಯಕ್ತಿ ಸಾವನ್ನಪ್ಪಿದ್ದಾರೆ.