ಭಾರತಿರಾಜ ನನ್ನನ್ನು ನಟ ಎಂದು ಪರಿಗಣಿಸಿಲ್ಲ: ರಜನಿ

ಚೆನ್ನೈ: ತಮಿಳಿನ ಹೆಸರಾಂತ ಚಿತ್ರ ನಿರ್ದೇಶಕ ಭಾರತಿರಾಜ ನನ್ನನ್ನು ಯಾವತ್ತೂ ಒಬ್ಬ ಉತ್ತಮ ನಟ ಎಂದು ಪರಿಗಣಿಸಿಯೇ ಇಲ್ಲ. ಹೀಗೆಂದು ಸೂಪರ್‌ ಸ್ಟಾರ್‌ ರಜನಿಕಾಂತ್‌ ಹೇಳಿದರು. 

ಆ ವೇಳೆ ಭಾರತಿರಾಜ ಕೂಡ ವೇದಿಕೆಯಲ್ಲಿದ್ದರು. ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ರಜನಿ, ನಾನು ಮತ್ತು ಭಾರತಿರಾಜ ಉತ್ತಮ ಸ್ನೇಹಿತರು. ನನ್ನ 40 ವರ್ಷಗಳ ಸುದೀರ್ಘ‌ ವೃತ್ತಿಜೀವನದಲ್ಲಿ ನನಗೆ ಅವರಿಂದ ಕರೆ ಬಂದಿರುವುದು ಕೇವಲ ಎರಡೇ ಬಾರಿ. ಮೊದಲಿಗೆ ಅವರ ಪ್ರಥಮ ಚಿತ್ರ “16 ವಾಯಧಿನಿಲೆ’ಯಲ್ಲಿ ಅಭಿನಯಿಸಲು. ಎರಡನೆಯದು ಈ ಸಮಾರಂಭದಲ್ಲಿ ಪಾಲ್ಗೊಳ್ಳಲು. ಅವರಿಗೆ ಪತ್ರಕರ್ತರು ನನ್ನ ನಟನೆ ಕುರಿತು ಪ್ರಶ್ನೆ ಕೇಳಿದಾಗಲೆಲ್ಲಾ ಆತನೊಬ್ಬ ಉತ್ತಮ ಮನುಷ್ಯ ಎಂದು ಹೇಳುತ್ತಿದ್ದರು ಎಂದರು.