Advertisement
ಭರತನಾಟ್ಯಭರತನಾಟ್ಯ ಅಭ್ಯಾಸ ಮಾಡುವುದರಿಂದ ದೇಹದ ಮೇಲೆ ಹೆಚ್ಚಿನ ನಿಯಂತ್ರಣ ಸಾಧಿಸುವುದು ಸಾಧ್ಯವಾಗುತ್ತದೆ. ಭರತನಾಟ್ಯದ ಶುರುವಿನಲ್ಲಿ ನಮಸ್ಕಾರ ಹಾಕುವ ಭಂಗಿ ಇದೆಯಲ್ಲ, ಅದು ಜಿಮ್ಮಿನಲ್ಲಿ ಮಾಡುವ ಸ್ಕ್ವಾಟ್‌ ಕಸರತ್ತಿಗೆ ಸಮನಾದುದು ಎನ್ನುವುದು ತಜ್ಞರ ಅಬಿಮತ. ಇದೊಂದು ಉದಾಹರಣೆಯಷ್ಟೆ. ಇಂಥ ಹಲವು ಉಪಯೋಗಗಳನ್ನು ಭರತನಾಟ್ಯದಿಂದ ಪಡೆಯಬಹುದು. ದೈಹಿಕ ಒಂದೇ ಅಲ್ಲ, ಮಾನಸಿಕ ಆರೋಗ್ಯ, ಉತ್ತಮ ಸೌಂದರ್ಯ ಕಾಪಾಡಿಕೊಳ್ಳುವುದೂ ಇದರಿಂದ ಸಾಧ್ಯ.
ದೇಹದ ತೂಕವನ್ನು ಇಳಿಸಿಕೊಳ್ಳಲು ಕಥಕ್‌ ತುಂಬಾ ಸಹಕಾರಿ. ಕಥಕ್‌ ನೃತ್ಯಾಭ್ಯಾಸ ಮಾಡುವವರು ಕಾಲಿಗೆ ಭಾರದ ಗೆಜ್ಜೆಯನ್ನು ಕಟ್ಟುವುದರಿಂದ ಕಾಲಿಗೆ ಹೆಚ್ಚಿನ ವ್ಯಾಯಾಮ ದೊರಕುತ್ತದೆ. ಹೀಗಾಗಿ ರನ್ನಿಂಗ್‌ನಿಂದ ಆಗುವ ಪ್ರಯೋಜನವೂ ಕಥಕ್‌ ಅಬ್ಯಾಸ ಮಾಡುವುದರಿಂದ ಸಿಗುತ್ತದೆ. ಒಡಿಸ್ಸಿ
ಒಡಿಸ್ಸಿ ನೃತ್ಯಾಭ್ಯಾಸ ಮಾಡುವಾಗ ರಕ್ತ ಸಂಚಾರ ಹೆಚ್ಚುವುದು. ಮಾಂಸಖಂಡಗಳಿಗೆ ಹೆಚ್ಚಿನ ವ್ಯಾಯಾಮ ಸಿಗುತ್ತದೆ. ಅಲ್ಲದೆ ಈ ನೃತ್ಯ ಪ್ರಕಾರದಲ್ಲಿ ಮುಖದ ಮೇಲೆ ವಿವಿಧ ಬಗೆಯ ಭಾವಗಳನ್ನು ವ್ಯಕ್ತಪಡಿಸಬೇಕಾಗಿ ಬರುವುದರಿಂದ ಮುಖದ ಸ್ನಾಯುಗಳಿಗೆ ಒಳ್ಳೆಯ ವ್ಯಾಯಾಮ ದೊರಕಿದಂತಾಗಿ, ಅವು ಫಿಟ್‌ ಆಗಿರುತ್ತವೆ.