ಫೆ.6ರಿಂದ ಬೆಂಗಳೂರು ಓಪನ್‌ ಎಟಿಪಿ ಚಾಲೆಂಜರ್‌ ಟೂರ್ನಿ

ಬೆಂಗಳೂರು: ಫೆ.6 ರಿಂದ 20ರ ವರೆಗೂ ಬೆಂಗಳೂರು ಓಪನ್‌ ಎಟಿಪಿ ಚಾಲೆಂಜರ್‌ ಟೆನ್ನಿಸ್‌ ಅವಳಿ ಟೂರ್ನಿ ನಡೆಯಲಿದೆ ಎಂದು ರಾಜ್ಯ ಟೆನಿಸ್‌ ಅಸೋಸಿಯೇಷನ್‌ ಅಧ್ಯಕ್ಷ ಹಾಗೂ ಕಂದಾಯ ಸಚಿವ ಆರ್‌.ಅಶೋಕ ತಿಳಿಸಿದ್ದಾರೆ.

ಫೆ.6 ರಿಂದ 13ರ ವರೆಗೂ ಮೊದಲ ಆವೃತ್ತಿಯ ಬೆಂಗಳೂರು ಓಪನ್‌ 1 ಹಾಗೂ ಫೆ.14-20ರ ವರೆಗೂ ಬೆಂಗಳೂರು ಓಪನ್‌ 2 ಆವೃತ್ತಿ ನಗರದ ಕೆಎಸ್‌ಎಲ್‌ಟಿಎಯಲ್ಲಿ ನಡೆಲಿದೆ.

ಟೂರ್ನಿಯಲ್ಲಿ 20ಕ್ಕೂ ಹೆಚ್ಚು ದೇಶಗಳ ಆಟಗಾರರು ಮತ್ತು ಅಧಿಕಾರಿಗಳು ಭಾಗಿಯಾಗಲಿದ್ದಾರೆ.

ಬೆಂಗಳೂರು ಓಪನ್‌ನ ನಾಲ್ಕನೇ ಆವೃತ್ತಿಯು ಎರಡು ಬ್ಯಾಕ್‌ ಟು ಬ್ಯಾಕ್‌ ಎಟಿಪಿ ಚಾಲೆಂಜರ್‌ ಟೂರ್ನಿ ನಡೆಸುತ್ತಿರುವುದು ತುಂಬಾ ಸಂತೋಷವಾಗಿದೆ ಎಂದು ತಿಳಿಸಿದ್ದಾರೆ.