Bengaluru: ಕಾರ್ಖಾನೆ ಕಾರ್ಮಿಕನ ಹತ್ಯೆ ಮಾಡಿದ್ದ ನಾಲ್ವರ ಬಂಧನ

ಬೆಂಗಳೂರು: ಯುವತಿಗೆ ನಿಂದಿಸಿದ್ದಕ್ಕೆ ಕಾರ್ಖಾ ನೆಯಲ್ಲಿ ಕೆಲಸ ಮಾಡುತ್ತಿದ್ದ ಕಾರ್ಮಿಕನನ್ನು ಹತ್ಯೆ ಮಾಡಿ ತಲೆಮರೆಸಿ ಕೊಂಡಿದ್ದ ನಾಲ್ವರನ್ನು ಕಾಟನ್‌ ಪೇಟೆ ಠಾಣೆಯ ಪೊಲೀಸರು ಬಂಧಿಸಿದ್ದಾರೆ.

ಜೈಭೀಮ್‌ ನಗರದ ಮನೋಜ್, ದೊರೆಸ್ವಾಮಿ ನಗರದ ನಿರಂಜನ್‌, ರಾಮಕೃಷ್ಣ ಸೇವಾನಗರದ ನವೀನ್‌ ಹಾಗೂ ಎ.ಶರತ್‌ ಬಂಧಿತರು. ‌

ಕೆ.ಪಿ.ಅಗ್ರಹಾರದ ಮಾರ್ಕಂಡೇ ಶ್ವರ ನಗರದ ನಿವಾಸಿ ಶರತ್‌ ಕುಮಾರ್‌ ಕೊಲೆಯಾದವ. ಗುರುವಾರ ಬೆಳಗ್ಗೆ ಅಂಜನಪ್ಪ ಗಾರ್ಡನ್‌ನಲ್ಲಿ ನೆಲೆಸಿದ್ದ ಶರತ್‌ ಅವರ ಪರಿಚಯಸ್ಥರೊಬ್ಬರು ಮೃತಪಟ್ಟಿದ್ದರು. ಅವರ ಅಂತಿಮ ದರ್ಶನ ಪಡೆಯಲು ಶರತ್‌ ಬಂದಿದ್ದರು. ಅಂತಿಮ ದರ್ಶನದ ವೇಳೆ ಶರತ್‌ ಅವರು ಅಲ್ಲಿದ್ದ ಯುವತಿಯೊಬ್ಬಳಿಗೆ ನಿಂದಿಸಿದ್ದರು. ಆ ಯುವತಿ ತನ್ನ ಸ್ನೇಹಿತರಾದ ಆರೋಪಿಗಳಿಗೆ ಈ ವಿಷಯ ತಿಳಿಸಿದ್ದಳು.

ಇದರಿಂದ ಆಕ್ರೋಶಗೊಂಡ ಆರೋಪಿ ಗಳು ಶರತ್‌ ಅವರನ್ನು ಅಡ್ಡಗಟ್ಟಿ ಕೊಲೆ ಮಾಡಿದ್ದರು. ನಿಂದನೆಗೊಳಗಾಗಿದ್ದ ಯುವತಿ ತಲೆಮರೆಸಿ ಕೊಂಡಿದ್ದು, ಆಕೆಗೆ ಶೋಧ ನಡೆಸಲಾಗುತ್ತಿದೆ ಎಂದು ಪೊಲೀಸ್‌ ಮೂಲಗಳು ತಿಳಿಸಿವೆ.