Advertisement
ತೀವ್ರ ಪೈಪೋಟಿಯಿಂದ ಕೂಡಿದ ದಿನ ಎರಡನೇ ಪಂದ್ಯದಲ್ಲಿ ಆತಿಥೇಯ ಗುಜರಾತ್‌ ಫಾರ್ಚೂನ್‌ಜೈಂಟ್ಸ್‌ ತಂಡ 37-32 ಅಂತರದಿಂದ ಯು.ಪಿ. ಯೋಧ ತಂಡವನ್ನು ಹಿಮ್ಮೆಟ್ಟಿಸಿತು. ಸೋಮವಾರ ಪ್ರೊ ಕಬಡ್ಡಿಗೆ ವಿರಾಮ ದಿನವಾಗಿದ್ದು, ಮಂಗಳವಾರ ತಮಿಳ್‌ ತಲೈವಾಸ್‌-ತೆಲುಗು ಟೈಟಾನ್ಸ್‌ ಮತ್ತು ಗುಜರಾತ್‌ ಫಾರ್ಚೂನ್‌ಜೈಂಟ್ಸ್‌-ದಬಾಂಗ್‌ ಡೆಲ್ಲಿ ಮುಖಾಮುಖೀಯಾಗಲಿವೆ.
ಪವನ್‌ ಸೆಹ್ರಾವತ್‌ (19 ಅಂಕ) ರೈಡಿಂಗ್‌ನಿಂದ ಜೈಪುರವನ್ನು ನಲುಗಿಸಿದರು. ಮಹೇಂದ್ರ ಸಿಂಗ್‌ (5 ಅಂಕ) ಶ್ರೇಷ್ಠ ಟ್ಯಾಕಲ್‌ ನಡೆಸಿದರು. ಮತ್ತೂಬ್ಬ ಆಟಗಾರ ಕಾಶಿಲಿಂಗ್‌ ಅಡಕೆ ರೈಡಿಂಗ್‌ನಿಂದ ಸಾಧಾರಣ ಆಟ ಪ್ರದರ್ಶಿಸಿದರು (5 ಅಂಕ). ಜೈಪುರ ಪರ ದೀಪಕ್‌ ಹೂಡಾ (11 ಅಂಕ) ಅತ್ಯುತ್ತಮ ರೈಡಿಂಗ್‌ ಪ್ರದರ್ಶಿಸಿದರು. ಇವರಿಗೆ ಆಲ್‌ರೌಂಡರ್‌ ಅಜಿಂಕ್ಯ ಪವರ್‌ (7 ಅಂಕ) ಸಾಥ್‌ ನೀಡಿದರು. ಆದರೆ ಇವರಿಬ್ಬರ ಪ್ರಯತ್ನ ಯಶಸ್ವಿಯಾಗಲಿಲ್ಲ.