ಬೆಂಗಳೂರು ಬಾಯ್‌ ಆಗಲು ಸಚಿನ್‌ ರೆಡಿ

ಮಾಜಿ ಸಚಿವ ಚೆಲುವರಾಯ ಸ್ವಾಮಿ ಪುತ್ರ ಸಚಿನ್‌ ಈ ಹಿಂದೆ “ಹ್ಯಾಪಿ ಬರ್ತ್‌ಡೇ’ ಸಿನಿಮಾ ಮೂಲಕಕನ್ನಡ ಚಿತ್ರರಂಗಕ್ಕೆ ನಾಯಕನಾಗಿ ಎಂಟ್ರಿಯಾಗಿದ್ದು ನಿಮಗೆ ಗೊತ್ತೇ ಇದೆ. ಆ ನಂತರ ಸಚಿನ್‌ ಯಾವುದೇ ಸಿನಿಮಾದಲ್ಲಿ ನಟಿಸಿರಲಿಲ್ಲ.

ಆದರೆ, ಈಗ “ಬೆಂಗಳೂರು ಬಾಯ್‌’ ಸಿನಿಮಾ ಮೂಲಕ ರೀ ಎಂಟ್ರಿ ಕೊಡುತ್ತಿದ್ದಾರೆ. ಈ ಚಿತ್ರಕ್ಕಾಗಿ ಸಚಿನ್‌ ಸಾಕಷ್ಟು ವರ್ಕೌಟ್ ಮಾಡುತ್ತಿದ್ದಾರೆ. ಮೊದಲ ದಿನ ಶೂಟಿಂಗ್‌ನಲ್ಲಿ ಸಚಿನ್‌ ಮಾಸ್‌ ಲುಕ್ಕಿನಲ್ಲಿಕಾಣಿಸಿಕೊಂಡಿರೋ ವರ್ಕಿಂಗ್‌ ಸ್ಟಿಲ್ಸ್ ಈಗ ಗಮನಸೆಳೆಯುತ್ತಿದೆ. ನಟನೆ ಜೊತೆಗೆ ಡ್ಯಾನ್ಸ್‌, ಫೈಟ್‌ ಅಭ್ಯಾಸ ಮಾಡಿಕೊಂಡಿರುವ ಸಚಿನ್‌, ಮಾಸ್‌ ಹೀರೋ ಆಗಿ ಎಂಟ್ರಿಕೊಡಲು ಸಿದ್ಧತೆ ಮಾಡಿಕೊಂಡಿದ್ದಾರೆ.

ರಾಜ್‌ ಸೂರ್ಯ ಈ ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಈ ಚಿತ್ರದಲ್ಲಿ ಸಚಿನ್‌ ಅವರಿಗೆ ಪವರ್‌ಫ‌ುಲ್‌ ಪಾತ್ರ ಸಿಕ್ಕಿದೆಯಂತೆ. ಇದೇ ಮೊದಲ ಬಾರಿಗೆ ರ್ಯಾಪರ್‌ ಅಲೋಕ್‌ “ಬೆಂಗಳೂರು ಬಾಯ್ಸ್’ ಚಿತ್ರದ ಮೂಲಕ ಸಂಗೀತ ನಿರ್ದೇಶಕರಾಗುತ್ತಿದ್ದಾರೆ.