ನಿಮಗೆ ಕೋವಿಡ್ 19 ವೈರಸ್ ಅಟ್ಯಾಕ್ ಆಗಿದೆಯೇ ಎಂದು ಇನ್ನು ಮನೆಯಲ್ಲೇ ಪರೀಕ್ಷಿಸಿಕೊಳ್ಳಿ!

ಹೊಸದಿಲ್ಲಿ: ಮನೆಯಲ್ಲೇ ಕೋವಿಡ್ 19 ಸೋಂಕು ಪರೀಕ್ಷಿಸುವ ವೈದ್ಯಕೀಯ ಕಿಟ್‌ ಅನ್ನು ಬೆಂಗಳೂರು ಮೂಲದ ಬಯೋಟೆಕ್‌ ಕಂಪನಿ ಬಯೋನ್‌ ಅಭಿವೃದ್ಧಿಪಡಿಸಿದೆ. ದೇಶದಲ್ಲಿಯೇ ಇದು ಮೊದಲ ಪ್ರಯೋಗವಾಗಿದೆ. ಈ ಟೆಸ್ಟಿಂಗ್‌ ಕಿಟ್‌ನಿಂದ ಕೇವಲ 5-10 ನಿಮಿಷದಲ್ಲಿ ಫ‌ಲಿತಾಂಶ ದೊರೆಯಲಿದೆ. ಇದಕ್ಕೆ ಭಾರತೀಯ ವೈದ್ಯಕೀಯ ಸಂಶೋಧನೆ ಮಂಡಳಿ ಅನುಮೋದನೆ ದೊರೆತಿದೆ.

ಈ ಕಿಟ್‌ ಬೆಲೆ 2-3 ಸಾವಿರ ರೂ.ಆಗಿದ್ದು, ಕಿಟ್‌ ಬೇಕಿದ್ದರೆ ಕಂಪನಿಯ ವೆಬ್‌ಸೈಟ್‌ಗೆ (bione.in) ಹೋಗಿ ಖರೀದಿಸಬಹುದು. ಆರ್ಡರ್‌ ಮಾಡಿದ 2-3 ದಿನದಲ್ಲಿ ದೊರೆಯಲಿದೆ. ಕಿಟ್‌ ಉಪಯೋಗಿಸಿದ ಬಳಿಕ ಆಲ್ಕೋಹಾಲ್‌ ಸ್ವಾಬ್‌ ನಿಂದ ಕೈಗಳನ್ನು ತೊಳೆದುಕೊಳ್ಳಬೇಕು. ವಾರಕ್ಕೆ 20 ಸಾವಿರ ಕಿಟ್‌ಗಳನ್ನು ತಯಾರಿಸಲಾಗುತ್ತಿದೆ ಎಂದು ಬಯೋನ್‌ ಕಂಪನಿ ಸಿಇಒ ರಾಜೇಂದ್ರ ಚಿಕಾರಾ ತಿಳಿಸಿದ್ದಾರೆ.