ಅಪಘಾತದಲ್ಲಿ ರೂಪದರ್ಶಿ ಸೋನಿಕಾ ಚೌಹಾಣ್‌ ಸಾವು

ಕೋಲ್ಕತಾ: ದಕ್ಷಿಣ ಕೋಲ್ಕತಾದಲ್ಲಿ ಶನಿವಾರ ಸಂಭವಿಸಿದ ರಸ್ತೆ ಅಪಘಾತದಲ್ಲಿ ಜನಪ್ರಿಯ ರೂಪದರ್ಶಿ, ಟಿವಿ ನಿರೂಪಕಿ ಮುಂಬೈ ಮೂಲದ ಸೋನಿಕಾ ಚೌಹಾಣ್‌ ಮೃತಪಟ್ಟಿದ್ದಾರೆ. 

ಇವರೊಂದಿಗೆ ಪ್ರಯಾಣಿಸುತ್ತಿದ್ದ ನಟ ವಿಕ್ರಂ ಚಟರ್ಜಿ ಗಾಯಗೊಂಡಿದ್ದಾರೆ. ಪಕ್ಕದಲ್ಲಿ ಬರುತ್ತಿದ್ದ ಕಾರಿಗೆ ಜಾಗ ಮಾಡಿಕೊಡುವ ಪ್ರಯತ್ನದಲ್ಲಿ ಕಾರು ರಸ್ತೆ ಬದಿಯ ಕಲ್ಲಿಗೆ ಬಡಿದು ಅಪಘಾತ ಸಂಭವಿಸಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ವಿಕ್ರಂ ಮತ್ತು ಚೌಹಾಣ್‌  ಇಬ್ಬರೂ ಮುಂದಿನ ಸೀಟಿನಲ್ಲಿ ಕುಳಿತಿದ್ದರು. ಸೋನಿಕಾ ಕಾರು ಚಾಲನೆ ಮಾಡುತ್ತಿದ್ದರು. ಸುದ್ದಿ ತಿಳಿದೊಡನೆ ಅನೇಕ ನಟ-ನಟಿಯರು ಆಸ್ಪತ್ರೆ ಬಳಿ ಜಮಾಯಿಸಿದ್ದರು.