ಕಳಪೆ ಪಿಚ್‌: ಬಂಗಾಳ ಕೋಚ್‌ ಲಾಲ್‌ ಆಕ್ರೋಶ

ರಾಜಕೋಟ್: ಸೌರಾಷ್ಟ್ರ ಕ್ರಿಕೆಟ್‌ ಸಂಸ್ಥೆ ಕ್ರೀಡಾಂಗಣದ ಪಿಚ್‌ ಬಗ್ಗೆ ಪ್ರವಾಸಿ ಬಂಗಾಳ ತಂಡದ ಕೋಚ್‌ ಅರುಣ್‌ ಲಾಲ್‌ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಮಾತ್ರವಲ್ಲ ಬಿಸಿಸಿಐ ಮಧ್ಯ ಪ್ರವೇಶಿಸಬೇಕು ಎಂದು ಒತ್ತಾಯಿಸಿದ್ದಾರೆ.

“ಅತ್ಯಂತ ಕಳಪೆ ಪಿಚ್‌ ಆಗಿತ್ತು. ಪಿಚ್‌ ಪುಡಿಯಾಗಿ ಧೂಳು ಹೆಚ್ಚಾಗಿತ್ತು, ಚೆಂಡು ಪುಟಿಯುತ್ತಿರಲಿಲ್ಲ, ತೀರ ಕೆಳಮಟ್ಟದಲ್ಲಿ ನುಸುಳುತ್ತಿತ್ತು. ಇದರಿಂದ ಬೌಲರ್‌ಗಳಿಗೆ ಬೌಲಿಂಗ್‌ ನಡೆಸುವುದು ಕಷ್ಟವಾಯಿತು, ಜತೆಗೆ ರನ್‌ ಗಳಿಸುವುದು ಕೂಡ ಈ ಪಿಚ್‌ನಲ್ಲಿ ಸುಲಭವಾಗಿರಲಿಲ್ಲ, ಬಿಸಿಸಿಐ ಇಂತಹ ಪಿಚ್‌ಗಳ ಬಗ್ಗೆ ಗಮನ ಹರಿಸಬೇಕು’ ಎಂದು ಅರುಣ್‌ ತಿಳಿಸಿದರು

ಸೌರಾಷ್ಟ್ರ ಮತ್ತು ಬಂಗಾಲ ನಡುವೆ ರಣಜಿ ಫೈನಲ್ ಪಂದ್ಯ ಇಲ್ಲಿನ ಸೌರಾಷ್ಟ್ರ ಕ್ರಿಕೆಟ್ ಅಸೋಸಿಯೇಶನ್ ಮೈದಾನದಲ್ಲಿ ನಡೆಯುತ್ತಿದೆ.